Яўгенія Пастэрнак: Скажам «Мы перамаглі!» і пойдзем абдымацца на вуліцы

Улады трасуцца перад другой хваляй пратэстаў.

Пра сітуацыю ў Беларусі напярэдадні Дня Волі распавяла ў «Фэйсбуку» вядомая беларуская пісьменніца Яўгенія Пастэрнак:

- Такім чынам. Сухая статыстыка Нацбанка: у лютым золатавалютныя рэзервы краіны скараціліся на 88,9 мільёна даляраў і склалі 7,1 мільярда ў эквіваленце.

Крытычная адзнака - шэсць мільярдаў даляраў, да яе ледзь больш за мільярд.

Цікава, што з кім не пагаворыш, усе ўпэўненыя, што ніякага золатавалютнага рэзерву даўно ўжо няма.

Міністэрства эканомікі, праўда, нас суцяшае. Кажа, што ўжо сёлета ў Беларусі запрацуюць механізмы, якія палепшаць інвестыцыйны клімат у краіне, і ён стане не горшым, чым у суседзяў.

Улады, бедныя, трасуцца перад другой хваляй пратэстаў. Іх можна зразумець, ім адступаць няма куды зусім.

Пасля аб'яднання студэнтаў аб'ядналіся страйкамы. «Гродна Азота», «Нафтана» і БМЗ.

Працягваецца актыўнае бурленне вакол Салігорска. Ціханоўская размаўляла з гендырэктарам Yara International і заклікала да ціску на «Беларуськалій».

Да НАУ далучыўся былы супрацоўнік адміністрацыі Лукашэнкі Арцём Праскаловіч. Ён будзе займацца пытаннямі канстытуцыйнага будаўніцтва і праваахоўнай дзейнасці, якімі займаўся апошнія 11 гадоў.

Здаецца, што павольна перацякаюць кадры. Але, галоўнае, што працэс не спыняецца.

Дзярждэп ЗША прысудзіў Марыі Калеснікавай Міжнародную жаночую прэмію за адвагу.

А на Бэрлінскім кінафестывалі, адбылася сусветная прэм'ера дакументальнага фільма «Смеласць» («Кураж») пра жыццё трох актораў падчас жнівеньскіх пратэстаў у Беларусі.

Рэжысёр фільма Аляксей Палуян, родам з Беларусі, але жыве і працуе ў Нямеччыне.

А колькі яшчэ здымуць і напішуць пра наш жнівень!

А мы не прымаем паўмеры і скончым пісаць гэтыя хронікі толькі калі пераможам.

Мы напішам: «Мы перамаглі!» і пойдзем абдымацца з вамі на вуліцы.

Жыве Беларусь!