Навукоўцы знайшлі ва Уэльсе старажытную сістэму загадкавых тунэляў
1- 6.03.2021, 12:46
- 4,308
Адкрыццё было здзейснена выпадкова.
Супрацоўнікі брытанскай кампаніі Western Power Distribution выпадкова раскапалі загадкавы сярэднявечны тунэль, які спачатку прынялі за пячору.
Тунэль знаходзіцца ў мястэчку Тынтэрн ва Уэльсе, непадалёк ад руінаў старажытнага абацтва, заснаванага ў 1131 годзе, піша nv.ua.
Каманда выкопвала траншэю на ўчастку зямлі кліента, які знаходзіцца недалёка ад мяжы паміж Уэльсам і Англіяй, калі яны адкапалі тунэлі.
«Ні на адным з нашых чарцяжоў або запісаў не было выяўлена нічога незвычайнага ў гэтым месцы. Першапачаткова гэта прынялі за пячору», - сказаў тэхнічны спецыяліст Western Power Алін Гор, якая ўзначальвала групу.
Алін Гор сказаў, што «праца неадкладна спынілася», дадаўшы: «Я браў удзел у іншых раскопках, дзе мы знаходзілі старыя студні і падвалы, не паказаныя на якіх-небудзь планах, але я не бачыў нічога больш захапляльнага і ўражлівага, чым гэта».
Тунэль вышынёй 122 см быў «схаваны» пад пешаходнай дарожкай, якая ідзе паралельна ручаю Ангідзі, і, падобна, ідзе па маршруце ручая ўздоўж даліны.
Алін Гор дадаў, што экспэрт з службы гістарычнай і культурнай спадчыны ўрада Уэльса, быў «вельмі ўражаны» і «вельмі зачараваны» гэтым адкрыццём.
Кампанія Western Power заявіла, што сетка тунэляў не з'яўлялася на картах, нават на тых, якія датуюцца 18 стагоддзем, і ні мясцовыя жыхары, ні ўлады не ведалі пра яе. Адзначаецца, што да завяршэння вывучэння тунэляў «могуць прайсці гады».