Медыкі назвалі чатыры супэрпрадукты для здароўя нырак

Яны багатыя на вялікую колькасць антыаксідантаў, мінералаў і вітамінаў.

Сайт moirebenok.ua апавядае, якія прадукты харчавання дапамогуць умацаваць здароўе нырак.

Ныркі з'яўляюцца адным з жыццёва важных органаў. Яны адказваюць за фільтрацыю вады, солі ў крыві і выраб мачы, выводзяць з арганізма лішнюю вадкасць і захоўваюць пажыўныя рэчывы. Таксама дзякуючы ферменту рэніну ныркі ўдзельнічаюць у рэгуляцыі артэрыяльнага ціску.

Захаваць і палепшыць стан нырак дапаможа адмысловы рэжым харчавання. Дыэта павінна ўключаць баланс бялкоў, вітамінаў і калорый. Для гэтага лекары рэкамендуюць ужываць такія супэрпрадукты.

Вада

Вада патрэбная нашаму арганізму для транспартавання таксінаў у кроў. Затым ныркі выкарыстоўваюць ваду, каб вывесці гэтыя таксіны праз выпусканне мачы. Менавіта таму для падтрымання дзейнасці органаў вельмі важна захоўваць водны баланс. Піце не менш як 2 літры вады штодзень і ўжывайце менш солі.

Рыба

Гаворка ідзе пра марскія прадукты з вялікай колькасцю тлустых квасаў Амега-3. Гэта найважнейшыя пажыўныя рэчывы, якія мы можам атрымаць толькі з ежы. Яны спрыяюць зніжэнню артэрыяльнага ціску, а гэта важна для нармальнай дзейнасці нырак. Таксама тлустыя кіслоты можна ўжываць у якасці спецыяльных дадаткаў, але перад гэтым варта пракансультавацца з лекарам. Лішак рэчываў можа негатыўна адбіцца на здароўі.

Яблыкі

Гэта адна з галоўных крыніц пекціну і абалоніны. Яны дапамагаюць паменшыць узровень глюкозы і халестэрыну ў арганізме. Акрамя таго, лупіны яблыкаў багатыя на антыаксіданты, якія неабходныя для дзейнасці мозгу.

Журавіны

Ягады не проста абараняюць ад інфекцый і карысныя пры застудзе. Яна дабратворна ўплываюць на дзейнасць нырак. Вітаміны і мікраэлементы ў нырках прадухіляюць пранікненне шкодных бактэрый, тым самым абараняючы мачавы пухір.

Ад якіх харчоў варта адмовіцца

Мяса, птушка, аўсяная каша, фасоля, сачыўка, малочныя вырабы, арэхі і кансэрвы, а таксама халодная гарбата - усе яны ўзбагачаюць наш арганізм фосфарам, які адказвае за нармалізацыю здароўя костак і зубоў. Аднак для людзей з хранічнымі захворваннямі нырак гэты элемент небяспечны.

Рэч у тым, што ныркі выводзяць лішак фосфару з арганізма. Пры паталогіі гэтая функцыя парушаецца і прычыняецца да гіперфасфатэміі. Таму лекары раяць аддаваць перавагу прадуктам з нізкім змяшчэннем элемента. Сярод такіх: хлеб, рыс, кукуруза і г.д.