Медыкі расказалі, што трэба есці, каб панізіць узровень халестэрыну

Некаторыя прадукты паніжаюць узровень «дрэннага» халестэрыну адразу на 30%.

Нягледзячы на ўсе размовы пра шкоду халестэрыну, на самай справе ён неабходны нашаму арганізму.

Да праблемаў са здароўем прыводзіць толькі празмернасць гэтага рэчыва, якая ўзнікае праз няправільнае харчаванне або генетычную схільнасць, піша cursorinfo.co.il.

Але калі ў вас усё ж існуе праблема павышанага халестэрыну, прапануем вам азнаёміцца са спісам прадуктаў, якія дапамогуць зменшыць узровень халестэрыну ў арганізме.

Гародніну і садавіну невялікімі порцыямі трэба есці штодня. Таксама варта пачаць ужываць розныя арэхі, гарбузовыя семечкі або насенне сланечніку, якасны аліўкавы алей, а яшчэ трэба хоць бы раз на тыдзень есці авакада і тлустую рыбу. Утрыманыя ў гэтых прадуктах тлушчы неабходныя для расшчаплення ліпапратэіну з нізкай шчыльнасцю, які і прыводзіць да закаркавання артэрый.

Неабходна замяніць белы хлеб на прыгатаваны з прарослых зерняў пшаніцы, а белы рыс – на карычневы або дзікі. Гэтыя цэльназерневыя прадукты на 30% зніжаюць рызыку ўзнікнення закаркавання артэрый халестэрынавымі бляшкамі. Важна кожны дзень есці стравы з бабовых, яны ўтрымліваюць клятчатку, якая выводзіць халестэрын з арганізма да таго, як ён засвоіцца.

Карысныя дадаткі, якія дапамагаюць пры павышаным халестэрыне

Усяго чатыры з паловай грамы карыснай водарасці спіруліны эфектыўна паніжаюць узровень трыгліцэрыдаў і ліпапратэінаў.

Штодзённы прыём чатырох грамаў амега-3 тлустых кіслотаў, якія ўтрымліваюцца ў рыбіным тлушчы, паніжае ўзровень «дрэннага» халестэрыну на цэлых трыццаць адсоткаў.

Прымаючы два грама расліннага станолу або стэаролу, вы заблакуеце халестэрыну доступ да сценак сасудаў, і ён не зможа засвоіцца.

Ужываючы двойчы на дзень 600–1300 грамаў экстракту дражджавога рысу, вы таксама дапаможаце свайму арганізму змагацца са шкодным халестэрынам. Аднак прымаць гэты дадатак можна толькі на прызначэнне лекара.

Прынятыя пяць-дзесяць грамаў растваральнай абалоніны «захопліваюць» часціцы шкоднага халестэрыну і спрыяюць іх хуткаму вываду.