На другім энэргаблоку БелАЭС пачалася загрузка імітатараў цеплавыдзяляльных зборак у корпус рэактара
18- 7.03.2021, 20:16
- 7,884
Сёння беларусы паведамілі пра падвышэнне ўзроўню радыяцыі пад Ашмянамі і Смаргонню.
На другім энэргаблоку БелАЭС пачалася загрузка імітатараў цеплавыдзяляльных зборак у корпус рэактара, паведаміў тэлеграм-канал Мінэнэрга.
Першы імітатар цеплавыдзяляльных зборкі загружаны ў корпус рэактара другога энэргаблока БелАЭС 7 сакавіка а 19.31. Усяго іх будзе загружана 163.
Імітатары ТВС з'яўляюцца дакладнай копіяй цеплавыдзяляльных зборак, цалкам паўтараючы іх канструкцыю. Яны выкарыстоўваюцца замест штатных ТВС у перыяд пусканаладачных работ для праверкі рэактарнай устаноўкі на адпаведнасць праектным характарыстыкам і патрабаванням бяспекі.
Нагадаем, сёння беларусы паведамілі пра падвышэнне ўзроўню радыяцыі пад Ашмянамі і Смаргонню.