У Брытаніі самы нізкі прырост новых COVID-выпадкаў больш чым за 5 месяцаў

У Брытаніі за апошні дзень зафіксавалі 5 177 выпадкаў заражэння каранавірусам. Гэта самы нізкі паказчык за 5,5 месяцаў.

Пра гэта паведамляе The Guardian.

Ранейшы самы нізкі паказчык быў зафіксаваны 22 верасня, калі выявілі 5 079 новых выпадкаў заражэння.

Таксама, сярэдні працэнт захворвання ў Вялікабрытаніі за гэты тыдзень упаў на 31,3% у параўнанні з тыднем 22-28 лютага.

Усяго ў Брытаніі за ўвесь час пандэміі зафіксавалі 4 218 520 выпадкаў заражэння, а таксама 140 062 смерці (звесткі за нядзелю яшчэ не апублікаваныя).