Прагноз для валют: чым адрозніваюцца планы на вясну ў еўра і даляра

Даляр можа падрасці, а еўра нязначна знізіцца.

У першы тыдзень сакавіка на ўнутраным валютным рынку даляр крыху вырас, а вось еўра ўпаў. Расейскі рубель падтрымаў тэндэнцыю даляра і падрос. Якім курсам замежныя валюты працягнуць свой шлях вясной? Пра гэта старшы аналітык кампаніі «Альпары Еўразія» Вадзім Ёсуб распавёў у каментары myfin.by.

- Асноўным вонкавым чыннікам мінулага тыдня было прыкметнае падзенне еўрапейскай валюты. Валютная пара еўра/даляр знізілася з 1,2150 да 1,1950, ці на 1,6%.

Прапорцыя даляра і расейскага рубля не змянілася - да канца тыдня засталася на адзнацы 74,4.

Еўра да канца тыдня знізіўся з 90,4 да 88,9 расейскага рубля, або на 1,6%.

У выніку да беларускага рубля даляр і расейскі рубель нязначна падаражэлі, а еўра прыкметна патаннеў.

Даляр вырас на 0,18%. Еўра за тыдзень знізіўся на 1,47%. А расейскі рубель, як і даляр, вырас на 0,18%.

У выніку зніжэнне еўра пацягнула кошт валютнага кошыка ўніз. Пасля двух тыдняў росту ён знізіўся на 0,15%.

Дарэчы, у сярэдзіне тыдня расейскі рубель паспеў абнавіць свой максімум з пачатку гэтага года.

На гэтым тыдні можа быць працягнутая тэндэнцыя зніжэння еўра да іншых сусветных валют.

У гэтым выпадку даляр можа падрасці да 2,62 беларускага рубля.

Еўра можа знізіцца да 3,07 беларускага рубля.

А расейскі рубель можа падаражэць да 3,52 беларускага рубля за 100 расейскіх.