YouTube выдаліў каналы вайскоўцаў, адказных за пераварот у М'янме
- 8.03.2021, 11:38
У краіне з лютага трываюць пратэсты.
Відэагостынг YouTube выдаліў канал вайскоўцаў, якія ўчынілі пераварот у М'янме, праз моцную эскалацыю гвалту супраць пратэстоўцаў. Пра гэта прадстаўнік кампаніі паведаміў амэрыканскаму тэлевізійнаму каналу CNN 5 сакавіка, паведамляе "Гордан".
У YouTube ўдакладнілі, што 5 сакавіка заблакавалі некалькі каналаў, звязаных з вайскоўцамі М'янмы, сярод іх - дзяржаўныя MRTV і Myawaddy Media. Відэагостынг зліквідаваў шэраг каналаў і выдаліў некалькі відэа ў адпаведнасці з правіламі супольнасці і дзейным заканадаўствам, патлумачыў пастанову кампаніі яе прадстаўнік.
Кантэнт з М'янмы абмежавалі і ў TikTok. Прапаганда нянавісці і гвалту абсалютна недарэчы на гэтай платформе, заявіў прадстаўнік TikTok у пятніцу.
Пасля вайсковага перавароту ў М'янме сацыяльныя сеткі актывізавалі рэакцыю на палітычную сітуацыю ў краіне, паведаміў CNN. Так, 21 лютага сацыяльная сетка выдаліла старонку ўзброеных сіл М'янмы, якія зладзілі вайсковы пераварот у краіне. Facebook разглядае сітуацыю ў М'янме як надзвычайную.