Нафта Brent перасягнула $ 70 на навінах пра атаку на найбуйнейшы порт Савудаўскай Арабіі

Гэта самая высокая цана нафты са студзеня мінулага года.

Рынак нафты працягвае ралі, у выніку якога цана падскочыла ўжо амаль на 100% крыху больш чым за чатыры месяцы, піша finanz.ru.

На таргах у панядзелак цана ф'ючэрсаў на гатунак Brent перасягнула 70 даляраў за барэль упершыню са студзеня мінулага года.

На навінах аб тым, што найбуйнейшы экспартны порт Савудаўскай Арабіі быў атакаваны емэнскі хусітами, травеньскія кантракты ў першыя хвіліны таргоў у Лондане дасягалі адзнакі 70,94 даляра.

На 2.10 менскага часу Brent даражэе на 1,4%, да 70,51 даляра за барэль; WTI - на 1,08%, да 67,33 даляра за барыла.

Як паведаміла савудаўскае Міністэрства энергетыкі, замінаваны беспілотнік упаў ля нафтасховішча ў порце Рас-Тануры, які з'яўляецца адным з найбуйнейшых у свеце партоў для адпраўкі нафты.

«Спроба нападу не прычынілася ні да загубы людзей, ні да матэрыяльнай шкоды», заявіў прадстаўнік міністэрства дзяржаўнаму агенцтву SPA.

Ён удакладніў, што беспілотнік быў збіты, калі заходзіў на цэль з боку Персідскай затокі, не прычыніўшы шкоды нафтавай інфраструктуры.

Акрамя таго, адломкі адной з балістычных ракет упалі недалёка ад жылога раёна ў горадзе Дахране, дзе жывуць тысячы супрацоўнікаў кампаніі Saudi Aramco ды іхныя сем'і.

Адказнасць за напад узялі на сябе паўстанцы з руху «Ансар Алаг». Са слоў афіцыйнага прадстаўніка паўстанцаў брыгаднага генерала Ях’і Сарыё, па савудаўскай тэрыторыі былі запушчаны 8 балістычных ракет і 14 замінаваных беспілотнікаў.

Сарыё тлумачыў, што гэтыя абстрэлы сталі шостай «аперацыяй стрымлівання».

На працягу ўсяго дня арабійская кааліцыя на чале з Эр-Рыядам паведамляла пра перахоп замінаваных беспілотнікаў, колькасць якіх, згодна з яе заявамі, пад канец нядзелі дасягнула 12. Пад вечар альянс таксама паведаміў пра знішчэнне дзвюх балістычных ракет.

У адказ на гэтыя напады камандаванне кааліцыі абвясціла аб пачатку аперацыі паветраных удараў па хусітах, якая, як адзначалася, "накіраваная супраць іх баявога патэнцыялу ў Сане і шэрагу правінцый". У камюніке таксама зазначалася, што альянс разглядае ўдары бунтароў па цывільных асобах і аб'ектах у якасці чырвонай рысы і мерыцца "прыцягнуць да адказнасці верхаводаў гэтай тэрарыстычнай структуры".

Паводле звестак тэлеканала Al Mayadeen, па сталіцы Емэна было нанесена як мінімум сем авіяўдараў. Паведамлялася аб знішчэнні аднаго з разлікаў СПА хусітаў у правінцыі Марыбе.