Саакашвілі: На карупцыйных схемах ва Украіне крадуць цяпер $ 37 мільярдаў за год

Экс-прэзідэнт Грузіі сцвярджае, што гэтыя лічбы ўзятыя не з столі.

Штогод украінская эканоміка страчвае мільярды даляраў, якія маглі б трапіць у бюджэт краіны.

Як паведамляе censor.net, пра гэта ў эфіры праграмы "Свабода слова Савіка Шустэра" расказаў былы прэзідэнт Грузіі, старшыня ўкраінскага Выканальнага камітэта рэформаў Міхаіл Саакашвілі.

У эфіры ён паказаў інфаграфіку, на якой прыведзеныя страты ў розных галінах:

$ 6 млрд – "скрутка" ПДВ і канвертацыі;

$ 6 млрд – заробкі ў канвертах;

$ 6 млрд – страты дзяржпрадпрыемстваў;

$ 6 млрд – афшоры;

$ 5 млрд – незаконнае выкарыстанне нетраў;

$ 3 млрд – карупцыя на мытні;

$ 3 млрд – дзяржзакупкі;

$ 1 млрд – падакцызныя тавары;

$ 250 млн – лясная галіна;

$ 500 млн – "заснулыя" ліцэнзіі на здабычу нетраў;

$ 500 млн – ценявая арэнда зямлі.

"Гэтыя лічбы ўзятыя не з столі. Гэта вынік года нашай працы на многіх кірунках рэформаў. Больш за тое, у наўпростым эфіры ў Савіка Шустэра гэтыя лічбы пацвердзілі кіраўнікі ўсіх галоўных фінансавых установаў. Ніхто нашы звесткі не толькі не аспрэчваў, але наадварот казалі, што рэальныя лічбы яшчэ большыя. Гэта значыць, фактычна ўсе прызнаюць, што я маю рацыю", – напісаў ён у Facebook.