У Ізраілі дозу COVID-вакцыны атрымалі ўжо 5 мільёнаў чалавек

Цяпер у Ізраілі застаўся мільён чалавек без першай дозы вакцыны ад каранавіруса.

У Ізраілі 5 мільёнаў чалавек атрымалі хаця б адну дозу вакцыны ад каранавіруса. Без прышчэпак яшчэ мільён дарослага насельніцтва.

Пра гэта паведамляе Times of Israel.

Пяцімільённым пацыентам стала 34-гадовая цяжарная жанчына. Яна атрымала першую дозу вакцыны Pfizer у горадзе Петах-Тыква. Пры працэсе прысутнічаў прэм'ер-міністр Ізраіля Біньямін Нетаньяху.

Цяпер у Ізраілі застаўся мільён чалавек без першай дозы вакцыны ад каранавіруса. У краіне першапачаткова планавалі вакцынаваць шэсць мільёнаў чалавек дарослага насельніцтва. Нетаньяху спадзяецца, што астатнія змогуць атрымаць сваю прышчэпку да канца сакавіка.

Раней паведамлялася, што Ізраіль у рамках кампаніі вакцынацыі ад COVID пачаў вакцынаваць палестынскіх арабаў, якія пражываюць у краіне, але не маюць статусу пастаяннага жыхара. Чакаецца, што прышчэпкі атрымаюць блізу 100 000 чалавек.