Беларусы сталі ўкладаць дамовы аб дзецях
2- 8.03.2021, 20:54
- 5,266
Што яна дае бацькам?
Беларускі натарыят прапануе новы варыянт развязання «дзіцячага» пытання. Калі раней рэгуляваць сямейныя адносіны пара магла ў рамках шлюбнай дамовы або пагаднення аб выплаце аліментаў, то цяпер, з ініцыятывы Беларускай натарыяльнай палаты, з'явілася яшчэ адна магчымасць, піша kp.by.
Усе бацькі незалежна ад таго, ці рэгістравалі яны шлюб ці не, могуць укласці пагадненне аб дзецях і вызначыць, з кім застануцца непаўналетнія, як яны будуць мець зносіны з другім бацькам, які ўдзел ён прымае ў іх выхаванні. Між іншым, у пагадненні вызначаецца сума аліментаў, парадак выезду дзяцей за мяжу, аплата за навучанне і хобі дзіцяці.
Такой магчымасцю скарысталася ўжо 76 бацькоўскіх пар, паведамляе БНП. Там прывялі прыклад: маці, плануючы пераезд за мяжу да новага мужа, уклала пагадненне аб дзецях з бацькам дзіцяці, народжанага па-за шлюбам.
- Былыя грамадзянскія муж і жонка звярнуліся да натарыуса, які дапамог ім выразна пазначыць, што дзіця павінна праводзіць з бацькам не менш за тры месяцы ў годзе, маці абавязваецца прывозіць яго на канікулы, - тлумачаць натарыусы. - Таксама была ўсталяваная сума дапамогі, якую аказвае бацька, прывязаўшы суму да курсу валют.
Новая магчымасць з'явілася, дзякуючы зменам у Кодэксе аб шлюбе і сям'і, якая ініцыявала БНП.