ЗША завочна ўзнагародзілі Марыю Калеснікаву прэміяй за мужнасць
6- 9.03.2021, 9:59
- 2,378
Нават знаходзячыся пад арыштам, яна падтрымлівае дэмакратычны руху ў Беларусі.
Адная з лідарак беларускіх пратэстаў Марыя Калеснікава, з верасня 2020 года знаходзіцца пад арыштам, завочна ўзнагароджаная Міжнароднай жаночай прэміяй за грамадзянскую мужнасць, якая ўручаецца Дзярждэпартаментам ЗША. Перад прэзідэнцкімі выбарамі ў Беларусі ў жніўні 2020 года жанчыны сталі ўплывовай палітычнай сілай і рухавіком грамадскіх зменаў у краіне "шмат у чым дзякуючы Марыі Калеснікавай", заявіла амерыканскае замежнае палітычнае ведамства, паведамляе dw.com.
Нават знаходзячыся пад арыштам, Калеснікава "працягвае падтрымліваць жыццяздольнасць дэмакратычнага руху ў Беларусі", паказваецца далей. Дзяржсакратар ЗША Энтані Блінкен пачаў онлайн-цырымонію ўзнагароджання з ушанавання беларускай актывісткі і падкрэсліў, што яна змагла мабілізаваць беларускіх жанчын напярэдадні прэзідэнцкіх выбараў, каб пратэставаць супраць кіравання Лукашэнкі.
The women we honor today at the 15th International Women of Courage ceremony have shown exceptional courage and leadership in advocating for peace, justice, and human rights, often at great risk to themselves. To our honorees: the U.S. is proud to support you. #IWOC2021 pic.twitter.com/Cf6DRMI6UT
— Secretary Antony Blinken (@SecBlinken) March 8, 2021
Марыя Калеснікава "крыніца натхнення для ўсіх, хто імкнецца здабыць свабоду для сябе і сваёй краіны", сказаў Дзярждэпартамэнт ЗША. Сярод іншых узнагароджаных - актывісткі з Афганістана, Венесуэлы, Турцыі, Шры-Ланкі і Самалі, шэраг з якіх уганараваны прэміі пасмяротна.
Maria Kalesnikava of Belarus is being honored as a #WomenOfCourage for keeping the democratic movement alive inside of Belarus and serving as a source of inspiration for all those seeking to win freedom for themselves and their countries. pic.twitter.com/vLvOEoRDMe
— Department of State (@StateDept) March 5, 2021
8 сакавіка скончыўся тэрмін арышту Калеснікавай
Між тым 8 сакавіка скончыўся тэрмін утрымання Калеснікавай пад вартай, падоўжаны на два месяцы ў пачатку студзеня. Пакуль нічога не вядома ні пра новае падаўжэнне тэрміну, ні пра вызваленне актывісткі. Выданне tut.by са спасылкай на прэс-службу палітыка Віктара Бабарыкі паведаміла, што 9 сакавіка адвакат Калеснікавай сустрэнецца з ёй у СІЗА.
Марыя Калеснікава была затрыманая 8 верасня, ёй было выстаўленае абвінавачанне ў публічных закліках да дзеянняў, накіраваных на прычыненне шкоды нацыянальнай бяспецы, а таксама ў змове з мэтай захопу дзяржаўнай улады неканстытуцыйным шляхам. З тых часоў яна знаходзіцца пад вартай.