15 красавiка 2021, Чацвер, 8:59
Сім сім, Хартыя 97!
Рубрыкі

Таленавіты лекар звальняецца на знак салідарнасці з анэстэзіёлагам-рэаніматолагам з Віцебска Уладзімірам Мартавым

19
Таленавіты лекар звальняецца на знак салідарнасці з анэстэзіёлагам-рэаніматолагам з Віцебска Уладзімірам Мартавым
ЛЕКАР, ДЗМІТРЫЙ ХАРКАЎ

Салідарнасць медыкаў набірае абароты.

Лекар, паважаны чалавек і высакакласны спецыяліст, Дзмітрый Харкаў, лекар-хірург, загадчык аддзела перспектыўных кірункаў высокатэхналагічнай медыцынскай дапамогі, ГУ «Менскі навукова-практычны цэнтр хірургіі, транспланталогіі і гематалогіі» публічна заявіў пра сваю пастанову пакінуць займаную ім пасаду ў сувязі з падзеяй, якая чарговым разам узрушыла медыцынскую супольнасць Беларусі.

Пра гэта паведамляе тэлеграм-канал «Белыя халаты».

ЛЕКАР, ДЗМІТРЫЙ ХАРКАЎ

Дзмітрый Пятровіч глыбока абураны фактам скасавання працоўнага кантракту паміж Віцебскай БСМП і лекарам анэстэзіёлагам-рэаніматолагам Уладзімірам Мартавым, спецыялістам найвышэйшага ўзроўню і чалавекам выключных маральных якасцяў.

Непадаўжэнне кантракту з лекарам Мартавым В.Ю. ініцыявана адміністрацыяй БСМП г. Віцебска, магчымая прычына - грамадзянская пазіцыя і сумленнасць лекара.

Дзмітрый Харкаў глыбока абураны сітуацыяй у медыцынскай сферы ў Беларусі і перакананы, што са звальненнем такіх спецыялістаў як Мартаў В.Ю. пачынаецца чарговая «справа лекараў», калі медыкаў пераследуюць за праўду і сумленнасць.

Таму, загадчык аддзела перспектыўных кірункаў высокатэхналагічнай медыцынскай дапамогі, ГУ «Менскі навукова-практычны цэнтр хірургіі, транспланталогіі і гематалогіі» Харкаў Д.П. прыняў складаную пастанову, выказаўшы салідарнасць з Мартавым В.Ю, і напісаў заяву аб спыненні сваіх працоўных стасункаў з былой 9 бальніцай па заканчэнні тэрміну яго кантракту.

ЗВАРОТ ЛЕКАРА ХАРКАВА Д.П.

«На такі смелы ўчынак можа пайсці толькі чалавек, чыё сумленне чыстае, а жаданне справядлівасці важнейшае за асабістыя інтарэсы.

ЗВАРОТ ЛЕКАРА ХАРКАВА Д.П.

Ніхто не зможа дапамагчы нашым калегам, акрамя нас саміх.

Медыкі, цяпер прыйшоў час салідарнасці!», - адзначае тэлеграм-канал.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».