У Вугоршчыне зафіксаваная рэкордная колькасць шпіталізаваных з COVID-19
2- 9.03.2021, 16:19
- 1,874
Дзённы прырост хворых ужо дасягнуў пікавых паказчыкаў восеньскай хвалі.
У Вугоршчыне колькасць шпіталізаваных пацыентаў з каранавірусам дасягнула самага высокага ўзроўню за час эпідэміі, пабіўшы рэкорд восеньскай хвалі.
Пра гэта паведамляе «Еўрапейская праўда» са спасылкай на 444.hu
Паводле паведамлення органаў аховы здароўя 9 сакавіка, у лякарнях знаходзяцца 8270 хворых з каранавірусам, тады як самым высокім паказчыкам падчас папярэдняй хвалі быў 8 045.
Пры гэтым узрасла і колькасць цяжкіх пацыентаў, якія маюць патрэбу ў штучным дыханні - да 833. Падчас восеньскай хвалі самым высокім паказчыкам было 647 хворых.
Дзённы прырост хворых ужо дасягнуў пікавых паказчыкаў восеньскай хвалі - больш за 6000 заражэнняў за дзень (насельніцтва краіны - амаль 10 млн).
У той жа час вакцыну ад каранавіруса ў Вугоршчыне атрымалі больш за мільён чалавек – 1 047 045.
Нагадаем, Вугоршчына ў дадатак да зарэгістраваных у ЕЗ прэпаратаў, выкарыстоўвае кітайскую і расейскую вакцыны. Прэм'ер Віктар Орбан атрымаў прышчэпку кітайскай вакцынай.