«Можаш выйсці на плошчу - у тую прызначаную гадзіну»

Яно таго каштавала.

Муж асуджанай за стрым журналісткі Кацярыны Андрэевай Ігар Іліяш атрымаў ад яе першыя за тры тыдні, яшчэ сакавіцкія лісты. Пра гэта ён напісаў у сваім Facebook-акаўнце.

- «Па шляху мяне суправаджала наша ўлюбёнае пытанне: «Яно таго каштавала?» Моднае забаўка гэтага сезона - бачыць акругленыя вочы, калі людзі чуюць у адказ - «Так, вядома». Ведаю, што так раблю не адна я».

Учора я атрымаў ад Catarina Andreeva два лісты - першыя за тры тыдні, яшчэ сакавіцкія. Абодва пазітыўныя. Адзін быў напісаны неўзабаве пасля цяжкага этапу з Валадаркі ў Жодзінскую турму.

«Падарожнічала-с», - іранізуе Каця. Цытата пра «модную забаўку» - акурат пра той этап.

Пытанне «яно таго каштавала» сапраўды наша «ўлюбёнае»: перш я пісаў Каці пра тое, як падчас маіх 15 дзён мяне забаўляла папугайства турэмшчыкаў, якія ўважалі за свой абавязак спытаць, «ці варта было яно таго». Балазе мы з Кацяй рэагуем на гэтае дурное пытанне аднолькава.

У другім лісце, напісаным ужо пасля пастаноўкі на прафілактычны ўлік, Каця просіць прыслаць ёй «на потым» кнігі: «Архіпелаг ГУЛАГ, успаміны вязня Асвенцыма, чэшскай клавесіністкі Зузаны Ружычкавай і зборнік Сяргея Жадана «Життя Марії». А яшчэ - верш Аляксандра Галіча пра паўстанне дзекабрыстаў («Ад Сіноду да Сенату»...).

На свабодзе Каця часта перачытвала гэты верш. Там ёсць такія радкі:

«И все так же, не проще,

Век наш пробует нас:

Можешь выйти на площадь,

Смеешь выйти на площадь,

Можешь выйти на площадь,

Смеешь выйти на площадь,

В тот назначенный час?!»

Каця знаходзіцца ў турме ўжо 145 дзён.