Медыкі назвалі незвычайныя спосабы ўмацавання імуннай сістэмы

Асабліва актуальна гэта вясной.

Падчас пандэміі каранавіруса пытанне ўмацавання імуннай сістэмы як ніколі актуальнае. Ёсць простыя спосабы, якія дазволяць узмацніць ахоўныя функцыі арганізма, піша lenta.ua.

Прадукты расліннага паходжання

Звярніце ўвагу на бабовыя, крупы, садавіну і ягады. Не ігнаруйце зеляніну і ліставую гародніну. Увесну варта ўжываць гранат, цытрусавыя, імбір, шпінат, журавіны, абляпіху, кроп, пятрушку, цыбулю, капусту. Дарэчы, замарожаныя ягады не менш карысныя, чым свежыя.

Напоі

Трэба штодня піць шмат гарачых напояў. Можна піць розныя тыпы якаснай гарбаты і травяныя зборы. У гарбату можна дадаць шыпшыннік, абляпіху, цытрусавыя, бузіну і іншыя карысныя інгрэдыенты.

Спакой

Нервовае напружанне - гэта галоўны вораг здароўя і імунітэту, таму варта знайсці правільныя спосабы зняцця стрэсу. А вось спіртныя напоі для заспакаення ўжываць не рэкамендуецца: наадварот, такая звычка негатыўна адбіваецца на ахоўных функцыях арганізма.

Актыўнасць

Не забывайце рухацца кожны дзень. Зарадка, басейн, гімнастыка, спартыўная зала. Варта кожны дзень хадзіць пешшу, бо пасіўны лад жыцця - вораг імунітэту.

Сон

Неабходна павялічыць час начнога сну. У халодную пару года арганізму трэба трохі больш часу для паўнавартаснага аднаўлення. Гэта не толькі дапаможа ўзмацніць ахоўныя функцыі арганізма, але і адчуваць сябе з раніцы больш бадзёрым.