Марус Лаурынавічус: NATO павінна дзейнічаць сіметрычна і асіметрычна для спынення РФ

Некаторыя крокі могуць падарваць фінансавы падмурак краіны-агрэсара.

У мэтах прыпынку эскалацыі з боку Расейскай Федэрацыі NATO павінна даць зразумець кіраўніцтву Крамля, што не будуць здаваць пазіцыі ў дачыненні да Украіны. На эскалацыю з боку Расеі неабходна рэагаваць сіметрычна, ужываючы і асіметрычныя інструменты, між іншым фінансавы ціск.

Пра гэта ў каментары Guildhall заявіў старшы аналітык Віленскага інстытута палітычнага аналізу Марус Лаўрынавічус.

«У мэтах прыпынку расейскай агрэсіі NATO важна прымяніць інструмент эскалацыя-дээскалацыя, які ў Маскве сістэмна выкарыстоўваюць. Да прыкладу, возьмем сітуацыю ў Чорным моры, на адпраўку Расеяй вайсковых караблёў у акваторыю, NATO павінна зрабіць аналагічны крок і накіраваць свае судны. На эскалацыю з боку Масквы, важна рэагаваць эскалацыяй. Але дзейнічаць трэба ўзважана, не правакаваць вайсковы канфлікт, але прадэманстраваць, нават вайсковымі метадамі, што NATO адступаць не будзе і тым самым астудзіць Крэмль», - заявіў аналітык.

«Проста як прыклад інструментара, ёсць варыянт накіраваць вайсковых экспэртаў NATO ва Украіну, усё з той жа мэтай, даць разуменне. Яшчэ адным дзейсным інструментам можа стаць адключэнне Расеі ад сістэмы SWIFT і пазбавіць іх магчымасці фінансавых транзакцый, насуперак таму, што падрыхтоўку да такога сцэнару ў Расеі і ў Кітаі вядуць, яны яшчэ не гатовыя і такі крок проста падарве іх фінансавы падмурак», - уважае экспэрт.

«Ключавым пытаннем у бягучай сітуацыі з'яўляецца наяўнасць палітычнай волі на Захадзе і на гэты момант можна казаць, што ў Вашынгтоне яе дастаткова. Важна дзейнічаць асіметрычнымі і сіметрычнымі мерамі», - падсумаваў Марус Лаурынавічус.

Раней кіраўнік аналітычнай групы Da Vinci AG Анатоль Баронін заявіў у каментары Guildhall, што ва ўмовах эскалацыі з боку Расейскай Федэрацыі і пагрозы вайсковай агрэсіі супраць Украіны дзейсным інструментам па супрацьдзеянні РФ з'яўляецца абмежаванне доступу расейскіх элітаў да фінансавых рэсурсаў, якія сканцэнтраваны на Захадзе, а таксама абмежаванне іх выкарыстання ўнутры Расеі.

Нагадаем, 30 сакавіка галоўнакамандуючы Узброеных сіл Украіны Руслан Хомчак у Вярхоўнай Радзе заявіў, што Расея пад выглядам падрыхтоўкі да вайсковых вучэнняў «Захад 2021» сцягвае войскі да мяжы з Украінай: у Бранскую і Варонежскую вобласці РФ і ў акупаваны Крым.

1 красавіка ўкраінская разведка адчыталася, што Расея рыхтуе маштабныя правакацыі і можа ўвесці баевікоў углыб Украіны, а прэзідэнт Уладзімір Зяленскі правёў таемную нараду адносна абвастрэння на Данбасе і магчымага нападу Расеі.

Еўрапейскае камандаванне ўзброеных сіл ЗША прывяло войскі ў баявую гатоўнасць самага высокага ўзроўню пасля таго, як 26 сакавіка акупанты на Данбасе забілі чацвярых украінскіх вайскоўцаў, а Расея пачала сцягваць войскі да мяжы з Украінай.

Амбасадары краін-сябраў NATO 1 красавіка правялі тэрміновую сустрэчу ў Брусэлі, каб абмеркаваць усплёск гвалту на Данбасе і нарошчванне расейскіх войскаў ля ўкраінскіх межах.