У небе пад Менскам сёння заўважылі незвычайную з'яву
6- 11.04.2021, 13:38
- 10,134
Вось як яна выглядае.
У групе «Природа Беларуси» ў VK апублікавалі фатаграфіі прыгожай прыроднай з'явы - сонечнага гало. Яго заўважылі раніцай 11 красавіка пад Менскам.
У допісу з фотаздымкамі ўдакладняецца: «Праз наяўнасць у верхніх пластах атмасферы мноства ледзяных крышталяў утварылася 22-градуснае сонечнае гало. Таксама можна было заўважыць і верхнюю датычную дугу да 22-градуснага гало».
У «Вікіпедыі» дадаюць: у 22-градусным гало адрозная толькі частка колераў спектру (ад чырвонага да жоўтага), астатняя частка выглядае белай праз шматразовае змяшэнне праламлення прамянёў. Паргелічнае кола і шэраг іншых дуг гало амаль заўсёды белыя. Дугі, афарбаваныя ў вясёлкавыя колеры, з'яўляюцца над або пад свяцілам, дакранаючыся да 22-градуснага кола. Пры нізкім становішчы свяціла выцягваюцца канцамі дагары. Па меры павелічэння вышыні набліжаюцца да кола.