Штуршок да рэвалюцыі

Спадарства, хочаце паўтарыць урок?

Ва ўсім свеце практычна кожны ўрад і нацыянальныя эліты імкнуцца не дапусціць узнікнення рэвалюцыйнай сітуацыі ў грамадстве. Не ва ўсіх атрымліваецца, але нават няўдачнікі з усіх сіл спрабуюць пазбегнуць рэвалюцыі. Упёрты Лукашэнка і ў гэтым як белая варона. Нібыта гісторык паводле адукацыі, хоць і закляты троечнік. Але ж яго «памочнікі» Сяргеенка з Марзалюком на выдатна вывучалі гэты прадмет на ўніверсітэцкіх гістфаках. А вось у палітыцы таксама - двоечнікі. Не ў стане прымяняць атрыманыя веды на практыцы. А можа даўно ўсё забыліся?

Нагадаем: рэвалюцыя 1905 года пачалася з петыцыі цару ад працоўных Пуцілаўскага завода ў Піцеры. Потым была Крывавая нядзеля, паўстанне на «Браняносцы Пацёмкіне», «сталыпінскія гальштукі»... Усё гэта паслужыла штуршком да рэвалюцыі (перавароту) 1917 года і братазабойчай грамадзянскай вайны. Нагодамі для ўсёй гэтай вакханаліі служылі дурныя пастановы ўлады і празмернае «закручванне гаек».

Спадарства, хочаце паўтарыць урок? Калі не, рэкамендуем перачытаць курс лекцый Сікорскага. Падцягніце свае веды ў тэорыі рэвалюцыі. Засталося зусім няшмат часу. Інакш на сабе асабіста паўторыце пройдзенае. І не нараджайце ў сваёй «вертыкалі» такіх дурных дакументаў. Будзе дрэнна, але ўжо позна.

Telegram-канал «Минская семибоярщина»