Медыкі назвалі сок, які ўсяго за дзесяць дзён паляпшае працу сэрца і мозгу
6- 11.04.2021, 18:30
- 24,300
Удзельнікі даследавання – пажылыя людзі.
Паводле словаў прафесаркі Эксэтэрскага ўніверсітэта Ані Ванхатала, даданне ў рацыён прадуктаў, багатых на карысныя неарганічныя нітраты, усяго за 10 дзён можа пазітыўна паўплываць на кагнітыўныя здольнасці і здароўе сэрца. У новым даследаванні такім прадуктам выступіў бурачны сок, піша «Вакол свету. Украіна».
Ягоныя карысныя нітраты пераўтворацца ў аксід азоту, у выніку чаго паляпшаецца мікрацыркуляцыя крыві, пашыраюцца судзіны і нармалізуецца артэрыяльны ціск.
Свае высновы прафесарка Ванхатала і ейныя калегі з Універсітэта Эксэтэра, Кардыфскага ўніверсітэта (Брытанія) і Універсітэта Ставангера (Нарвегія) пацвердзілі на прыкладзе 30 чалавек 70–80 гадоў.
Яны пілі бурачны сок, багаты на вітаміны і карысныя нітраты цягам 10 дзён. Пасля чаго навукоўцы канстатавалі паляпшэнне ключавых паказнікаў сардэчнай і разумовай дзейнасці.
Яшчэ адно ўдакладненне: у даследаванні выкарыстоўвалася сырая гародніна, а не пасля цеплавой апрацоўкі, як у баршчы з бураком.
Паводле словаў прафесаркі Ванхатала, удзельнікі былі актыўнымі пажылымі людзьмі. Аднак для больш дакладных высноваў неабходна правесці даследаванне і на іншых групах.