Сын Лізаветы II расказаў, як яна перажывае адыход з жыцця прынца Піліпа
- 11.04.2021, 19:57
- 7,270
Прынц Эндру заявіў, што смерць ягонага бацькі, прынца Піліпа, была «страшнай стратай».
Брытанская каралева Лізавета II апісала, што смерць яе мужа герцага Эдынбургскага «пакінула вялізную пустэчу ў яе жыцці».
Пра гэта расказаў яе сын Эндру, герцаг Ёркскі, паведамляе BBC.
Выступаючы на невялікай службе ў каралеўскай капліцы Усіх Святых у Віндзары ў нядзелю, 11 красавіка, прынц Эндру заявіў, што смерць ягонага бацькі, прынца Піліпа, была «страшнай стратай».
«Я вельмі спачуваю сваёй маці, якая адчувае гэта, бадай, больш, чым хто-небудзь іншы», – дадаў герцаг.
Ён сказаў, што любіць свайго бацьку, які «заўсёды быў тым, да каго можна было прыйсці».
Апісваючы рэзананс, які выклікала смерць прынца Піліпа сярод грамадскасці, прынц Эндру дадаў: «Мы страцілі дзядулю нацыі».