«За два тыдні мы можам вызваліць Беларусь, застаўшыся дома»

Беларусы заклікаюць да страйку з 1 траўня.

Тэлеграм-канал «Баста!» падзяліўся меркаваннем аднаго са сваіх падпісчыкаў:

- Небывалы з гітлераўскіх часоў размах тэрору пазбаўляе ілюзій: дыктатура не пакіне нас у спакоі нават ва ўласных дварах і дамах.

Пяць месяцаў прайшло з моманту, калі да смерці збілі Рамана Бандарэнка.

Памятаеце словы Ромы? «Я ВЫХОДЖУ» - гэтыя словы простыя, але яны маюць вялікі сэнс для кожнага беларуса. Гэта словы нашай свабоды! Гэтыя словы - астатняе, што сказаў Рома, перад тым як яго забілі....

Амаль кожны дзень карнікі ўрываюцца ў кватэры з дапамогай дрылю і лому. Як бы страшна ні было супрацьстаяць бандытам, якія скралі выбары і ўчынілі тэрор, жыць за бандытызмам значна страшней!

Бандыты ўзброеныя і бесчалавечныя, але іх мала. Нас, людзей, хто патрабуе вяртання закона, выбараў і грамадзянскіх правоў, - пераважная большасць. Мы спынім будаўніцтва канцлагера памерам з краіну.

Спынім тэрор і генацыд беларускага народу!

Усё ў нашых руках, за два тыдні мы можам вызваліць Беларусь, застаўшыся дома.

З 1 траўня - усеагульны рэспубліканскі страйк!