28 сакавiка 2024, Чацвер, 22:18
Падтрымайце
сайт
Сім сім,
Хартыя 97!
Рубрыкі

Лаўроў занерваваўся праз пастаўкі Турцыяй ва Украіну ўдарных дронаў Bayraktar

19
Лаўроў занерваваўся праз пастаўкі Турцыяй ва Украіну ўдарных дронаў Bayraktar

Турэцкія ўлады праігнаравалі заяву кіраўніка МЗС РФ.

Кіраўнік МЗС РФ Сяргей Лаўроў выступіў з заявай з нагоды закупкі Украінай турэцкіх беспілотнікаў Bayraktar, у якой "перасцярог" Турцыю ды іншыя краіны ад "падсілкоўвання мілітарысцкіх настрояў" Украіны. Пра гэта ён сказаў сёння на прэс-канферэнцыі, паведамляе liga.net.

"Я адразу скажу, што мы ўсім адказным краінам, з якімі сустракаемся, - Турцыя адна з іх - настойліва раім прааналізаваць сітуацыю, вечныя ваяўнічыя заявы кіеўскага рэжыму і перасцерагаем іх ад таго, каб яны падсілкоўвалі гэтыя мілітарысцкія настроі", - сказаў міністр.

Пра якія менавіта "ваяўнічыя заявы" з боку Украіны ідзе гаворка, Лаўроў не ўдакладніў і не падаў ніводнага прыкладу.

Турэцкія ўлады пакуль ніяк не адрэагавалі на заяву Лаўрова.

У лістападзе 2018 года пасля візіту на той час прэзідэнта Парашэнкі ў Турцыю СМІ паведамілі пра імавернасць куплі дронаў Bayraktar TB2, перамовы пра якія доўжыліся два гады. Пазней угода адбылася: шэсць дронаў і тры станцыі кіравання купілі за $70 млн.

У канцы ліпеня 2020 года Украіна і Турцыя абмеркавалі супольную распрацоўку і вытворчасць дронаў ва Украіне.

Гетман УСУ Руслан Хомча мінулай восенню абяцаў, што Украіна закупіць яшчэ пяць Bayraktar у 2021-м. Усяго Украіна плануе закупіць да паўсотні гэтых дронаў.

27 студзеня 2021 года паведамлялася, што ў 2021 годзе ВМС атрымаюць беспілотнікі Bayraktar-ТВ2 з палепшанымі характарыстыкамі.

Напісаць каментар 19

Таксама сачыце за акаўнтамі Charter97.org у сацыяльных сетках