Прэзідэнтка Славаччыны падтрымала навукоўцаў, якія заявілі, што Расея прадала ў ЕЗ іншы «Спадарожнік»

Скандал вакол расейскай вакцыны прадаўжаецца.

Прэзідэнтка Славаччыны Зузана Чапутава падтрымала даследнікаў, якія вывучалі дозы расейскай вакцыны пасля таго, як Расея раскрытыкавала іх за тое, што яны «сапсавалі рэпутацыю» «Спадарожніку V» сваёй ацэнкай.

Пра гэта паведамляе «Еўрапейская праўда» са спасылкай на Euractiv.

Чапутава ў панядзелак сустрэлася з кіраўніком Дзяржаўнай управы кантролю за лекамі (SODC), якая адказвала за праверку расейскай вакцыны.

Гэты крок быў зроблены пасля таго, як SODC заявіў, што ўведзеныя дозы не ідэнтычныя той вакцыне, якая атрымала станоўчыя высновы ў публікацыі аўтарытэтнага часопіса The Lancet.

SODC таксама сутыкнуўся з рэзкай крытыкай з боку міністра фінансаў Ігара Матавіча, які быў заменены на пасадзе прэм'ер-міністра пасля таго, як набыў вакцыну ў Расеі, не параіўшыся са сваімі партнёрамі па кааліцыі ва ўрадзе.

Пасля візіту Матавіча ў Будапешт у пятніцу, за які ён быў раскрытыкаваны за выхад за рамкі ягонай кампетэнцыі, вакцына цяпер павінна быць пратэставаная ў вугорскай сертыфікаванай лабараторыі. Незразумела, што менавіта будзе ацэньваць Вугоршчына і якіх вынікаў Славаччыне варта чакаць ад гэтых тэстаў.

Міністэрству аховы здароўя Славаччыны не патрабуецца адабрэнне вакцыны ад кожнага органа для пачатку ўвядзення доз. Усё, што для гэтага трэба, - гэта пастанова, якую ўжо падпісаў былы міністр аховы здароўя.

Аднак міністэрства заявіла, што яно будзе ўкараняць вакцыны, якія праходзяць стандартны працэс зацвярджэння ў сертыфікаванай лабараторыі або калі ім дасць дазвол Еўрапейскае агенцтва лекавых сродках (EMA).