Палітолаг: Калі ў сістэме пачынаецца зашкальванне паранойі, яны паядаюць сябе

Рэжым пачне шукаць ворагаў у сваім уласным асяроддзі.

Старэйшы аналітык Цэнтра еўрапейскай трансфармацыі Андрэй Ягораў у каментары «Салiдарнасцi» заявіў, што пад жорны могуць трапіць не толькі супраціўнікі рэжыму:

- Калі ў такіх сітуацыях ў сістэме пачынаецца зашкальванне паранойі, яны паядаюць саміх сябе. Вось нібыта ўсіх ворагаў знішчылі, а шчасце не прыйшло і эканамічны рост не наступіў. Чаму? Таму што ворагі прадаўжаюць дзейнічаць. А раз «яны прадаўжаюць дзейнічаць», то трэба ўвесь час «вырабляць» гэтых ворагаў.

Тады рэпрэсіўная машына пачынае шукаць ворагаў у сваім уласным асяроддзі, выяўляючы і выкрываючы змовы. Да гэтага можа прыйсці. І калі чарговым разам трэба будзе апраўдвацца перад верхавінай дыктатарскага рэжыму пра тое, чаму гэта мы ўсіх лялькаводаў злавілі і пасадзілі, а пратэст усё адно прадаўжаецца і людзі нас усё адно не любяць, давядзецца казаць, што ворагі дзейнічаюць унутры.