КДБ паведаміў пра затрыманне палітолага Аляксандра Фядуты

Раней паведамлялася, што ён перастаў выходзіць на сувязь у Маскве.

Кіраўнік БНФ Рыгор Кастусёў і палітолаг Аляксандр Фядута затрыманыя паводле непасрэдна ўзніклага падазрэння ва ўчыненні злачынства. Пра гэта паведамляе БелТА са спасылкай на КДБ.

Як вынікае з паведамлення, Кастусёў і Фядута затрыманыя ў рамках расследавання распачатай крымінальнай справы ў парадку артыкула 108 КПК Рэспублікі Беларусь.

Пасля правядзення неадкладных следчых дзеянняў і аператыўна-вышуковых мерапрыемстваў будзе пададзеная поўная інфармацыя ў гэтай сітуацыі, паведамілі дзяржагенцтву ў КДБ.

Раней жонка палітолага Аляксандра Фядуты паведаміла, што ён знаходзіўся ў Маскве, а затым перастаў выходзіць на сувязь.