Памочнік прадстаўніка Пуціна асуджаны за дзяржаўную здраду

Яго начальнік пакінуў дзяржаўную службу.

Масгарсуд прысудзіў памочніка прадстаўніка Пуціна ва Уральскай федэральнай акрузе да 12,5 гадоў калоніі за дзяржаўную здраду. Аляксандр Вараб'ёў быў затрыманы ў ліпені 2019 года і звольнены неўзабаве пасля арышту. Ягоны начальнік – паўнамоцны прадстаўнік Мікалай Цуканаў неўзабаве пасля завядзення крымінальнай справы пакінуў дзяржаўную службу, паведамляе svoboda.org.

Справа Вараб'ёва слухалася ў закрытым рэжыме, следства сцвярджала, што ў ёй прысутнічаюць зусім сакрэтныя матэрыялы. Калінінградскія СМІ называлі Вараб'ёва даўнім сябрам каманды і асабістым юрыстам Цуканава. На момант арышту Вараб'ёва ягоны начальнік уваходзіў у Раду бяспекі Расеі, у склад Дзяржаўнай памежнай камісіі і прэзідэнцкую Раду ў прыярытэтных праектах.

Пасля затрыманні Вараб'ёва сцвярджалася, што пры сабе ў яго былі выяўленыя пашпарт грамадзяніна Польшчы і апаратура для запісаў. Неназваная крыніца "Коммерсанта" распавядала, што ў чыноўніка быў невысокі ўзровень доступу да дзяржаўнай таямніцы, але ён мог бачыць і апрацоўваць дакументы свайго начальніка. Мяркуецца, што ён мог перадаваць за мяжу, напрыклад, Польшчы, змест пасяджэнняў Савета бяспекі.

Цуканаў пасля арышту заявіў, што быў шакаваны абвінавачваннямі на адрас свайго памочніка. Паўнамоцны прадстаўнік быў звольнены з пасады восенню 2020 года. Пасля гэтага ён заняў пасаду віцэ-прэзідэнта "Растэлекама" ў цыфравізацыі прамысловасці і лясной гаспадаркі.

Вараб'ёў прысудам суда быў пазбаўлены чыну сапраўднага дзяржаўнага саветніка трэцяга класа (адпавядае воінскаму званню генерал-маёра). Пасля арышту ён быў выключаны з "Адзінай Расеі". Яго абарона справу не каментавала.