Неадэкватны «ябацька», які ўдарыў лекара «хуткай», атрымаў два гады «хіміі»

Справу разглядалі ў Берасці.

Сёння ў Берасці Ленінскага р-на Берасця Святаслаў Каліна абвясціў прысуд Мікалаю Вакулічу, паведамляе праваабарончы цэнтр «Вясна». Гэта той чалавек, якога празвалі «пацыент-ябацька», які 5 студзеня ўдарыў у твар лекара хуткай дапамогі Андрэя Ракалу.

Суддзя прызнаў Вакуліча вінаватым на падставе ч.1 арт.339 КК РБ «Хуліганства», прызначыў пакаранне ў выглядзе 2 гадоў «хіміі» (абмежавання волі з накіраваннем у выпраўленчую ўстанову адкрытага тыпу). Акрамя таго, Вакуліч павінен будзе выплаціць пацярпеламу 500 рублёў у якасці маральнай кампенсацыі.

Нагадаем, што, мяркуючы з відэазапісу, мужчына брыдка лаяўся і казаў медыку:

- Чуеш? Супраць Лукашэнкі? Што, не верыш? А ты сёння лекар? Ты ж учора супраць Лукашэнкі... - пасля гэтых слоў ён ударыў медыка па твары.

Праз некалькі дзён стала вядома, што лекар знаходзіцца на бальнічным. У мужчыны чэрапна-мазгавая траўма. Пра гэта расказала кіраўніцтва станцыі хуткай дапамогі.

«Цяпер наш супрацоўнік праходзіць лячэнне амбулаторна. Была напісаная заява ў міліцыю», - пракаментавала галоўная лекарка.

Які ўдарыў медыка апынуўся кіроўцам школьнага аўтобуса, неўзабаве пасля канфлікту яго звольнілі.