Кіраўнік МАРГ: Улады сёння кантралююць кошты на 55% тавараў
6- 15.04.2021, 10:33
- 3,766
Да чаго можа прывесці такая замарозка?
Улады Беларусі цяпер кантралююць кошты на 55% тавараў. Пра гэта паведаміў на супольнай прэс-канферэнцыі з Нацбанкам міністр антыманапольнага рэгулявання і гандлю Уладзімір Калтовіч, піша tut.by.
Ён нагадаў, што цяпер гадавая інфляцыя ў Беларусі склалася на ўзроўні вышэй за прагнозны - 8,5%.
Ёсць яшчэ індэкс спажывецкіх цэн сацыяльна значных тавараў, які склаў 7,1%. 0,8 адсоткавага пункта быў эфект ад прынятых двух пастаноў, № 19 і № 100, сказаў міністр.
У лютым кошт сацыяльна значных тавараў знізіўся на 0,1%. «Сёння такія захады - усвядомленая неабходнасць, якая носіць часовы характар», - адзначыў Калтовіч. Паводле ягоных слоў, улады сёння кантралююць кошты на 55% тавараў.
Адзначым, што беларускія эканамісты крытычна выказваюцца супраць замарозкі і кантролю коштаў. Гэта можа прывесці да дэфіцыту тавараў на паліцах беларускіх крамаў.