Зяленскі прапанаваў распрацаваць законапраект пра «статус алігархаў»

Ён падкрэсліў, што нельга дапускаць уплыву алігархаў на Украіну.

Прэзідэнт Украіны Уладзімір Зяленскі прапанаваў распрацаваць законапраект пра статус алігархаў. Такую прапанову ён высунуў на пасяджэнні Рады нацыянальнай бяспекі і абароны Украіны.

Пра гэта ён заявіў у сваім відэазвароце, які ёсць у распараджэнні РБК-Украіна.

"Я прапанаваў Радзе нацыянальнай бяспекі і абароны і Офісу прэзідэнта разам з антыманапольным камітэтам распрацаваць новы законапраект. Такога ў нас ва Украіне не было, мяркую, што сёння гэта адзін з прыярытэтаў, фундаментальны законапраект пра статус алігарха ў нашай краіне", – заявіў ён.

Кіраўнік дзяржавы падкрэсліў, што нельга дапускаць уплыву алігархаў на Украіну, таму будзе распрацаваная заканадаўчая ініцыятыва.

"Што будзе з такімі людзьмі, якія будуць уводзіцца санкцыі, як алігархі будуць ператварацца ў бізнэсмэнаў, таму што мы падтрымліваем вялікі бізнэс і любы бізнэс у Украіне. Уплыў алігархаў на Украіну, на выбар Украіны, на эканоміку, на законы, на Вярхоўную раду – гэта, мне здаецца, дазваляць больш нельга, таму будзе распрацоўвацца заканадаўчая ініцыятыва з нагоды алігархаў", – дадаў ён.