18 траўня 2021, aўторак, 16:55
Сім сім, Хартыя 97!
Рубрыкі

САЗ: Захворванне на COVID-19 у свеце набліжаецца да самага высокага ўзроўню

САЗ: Захворванне на COVID-19 у свеце набліжаецца да самага высокага ўзроўню
Фота: Getty Images

Названы рэгіён, дзе дынаміка выклікае найбольшыя асцярогі.

Тыднёвы паказчык новых выпадкаў COVID-19 за апошнія два месяцы вырас амаль удвая, наблізіўшыся да антырэкорду, заявілі ў Сусветнай арганізацыі аховы здароўя, піша nv.ua.

«Захворванне і смяротнасць ад COVID-19 па ўсім свеце прадаўжаюць расці трывожнымі тэмпамі. І набліжаюцца да самага высокага ўзроўню інфікавання за ўвесь перыяд пандэміі», - сказаў кіраўнік САЗ Тэдрас Адханом Гебрэесус на брыфінгу.

З ягоных слоў, САЗ вельмі занепакоеная ростам пандэміі ў Папуа-Новай Гвінеі і іншых краінах заходняй часткі Ціхага акіяна.

«Крывая [захворвання на каранавірус] выклікае трывогу, а сітуацыя нестабільная», - сказаў Гебрэесус.

У свеце зафіксаваныя больш за 139 млн выпадкаў заражэння каранавірусам, памерлі амаль 3 млн чалавек.

Нягледзячы на вакцынацыю ад COVID-19, колькасць новых заражэнняў прадаўжае расці.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».