Фізікі распрацавалі самую белую фарбу ў свеце

Новы фарбавальнік захоўвае тэмпературу ніжэй за навакольнае асяроддзе.

Навукоўцы з амерыканскага Універсітэта Перд'ю стварылі «самую белую фарбу», якая адлюстроўвае не толькі 98 бачнага выпраменьвання, але і ў інфрачырвонай частцы спектру. Да гэтага часу лепшыя ўзоры такіх фарбавальнікаў адлюстроўвалі не настолькі добра - максімум да 95 адсоткаў. Зрэшты, галоўнай мэтай працы быў зусім не ідэальна белы колер, а будучая эканомія энэргіі за кошт зніжэння выдаткаў на кандыцыянаванні. Пра гэта паведамляецца ў артыкуле, апублікаваным у часопісе ACS (пераклад - naked-science.ru).

У якасці асновы для сваёй распрацоўкі прафесар Сюлінь Жуан (Xiulin Ruan) і яго каманда ўзялі сульфат барыю. Ён выкарыстоўваецца ў якасці белага пігменту не так шырока, як дыяксід тытана, затое не паглынае ўльтрафіялету і не выклікае лішняга награвання. Сульфат быў выкарыстаны ў вялікай канцэнтрацыі (60 адсоткаў) і з часціцамі розных памераў, што дазваляе ім рассейваць хвалі рознай даўжыні.

У палявых эксперыментах аб'екты з пакрыццём з новай фарбы захоўвалі тэмпературу на 4,5 градуса ніжэй за навакольнае асяроддзе, нават пад яркім прамым сонечным святлом. Са слоў навукоўцаў, адлюстраваныя гэтым матэрыялам інфрачырвоныя хвалі маюць ідэальную даўжыню: яны дрэнна паглынаюцца атмасферай і могуць вольна «выцякаць» у космас, не выклікаючы дадатковага разагрэву ўсёй планеты. Аўтары навінкі ўжо падалі заяўку на рэгістрацыю патэнта і спадзяюцца вывесці яе ў продаж на працягу некалькіх гадоў.