Сіноптыкі: У выходныя троху пацяплее

Прагноз надвор'я на найбліжэйшыя дні.

Якое надвор'е чакаецца ў найбліжэйшыя дні, tut.by расказалі ў Белгідрамеце Мінпрыроды.

17 красавіка, у суботу, надвор'е ў Беларусі прадоўжыць вызначаць цыклон, які траціць актыўнасць, і ягоныя атмасферныя франты. Чакаецца воблачна з праясненнямі. На большай частцы тэрыторыі кароткачасовыя дажджы, днём месцамі магчымыя навальніцы. Ноччу і раніцай у асобных раёнах туман. Вецер усходні, паўночна-ўсходні сярэдні, пры навальніцах парывісты. Тэмпература паветра мінімальная ноччу +3... 8°C, максімальная днём +10... 16°C.

У нядзелю, 18 красавіка, атмасферны ціск пачне расці, аблокаў і дажджоў стане менш. Месцамі па краіне, а ноччу ў Гомельскай і Магілёўскай абласцях яшчэ на большай частцы тэрыторыі пройдуць кароткачасовыя дажджы. У дзённыя гадзіны ў асобных раёнах магчымыя навальніцы. Ноччу і раніцай месцамі слабы туман. Вецер паўночна-ўсходні сярэдні, днём месцамі парывісты. Тэмпература паветра ноччу +2... 8°C, днём +11... 18°C.

У пачатку наступнага тыдня спыніцца ўплыў цыклону на надвор'е і Беларусь апынецца на перыферыі антыцыклону, з цэнтрам над поўначчу еўрапейскай тэрыторыі Расеі.

19 красавіка, у панядзелак, будзе без ападкаў, толькі днём па ўсходняй палове Магілёўскай вобласці месцамі пройдуць кароткачасовыя дажджы, магчымыя навальніцы. Вецер паўночна-ўсходні, усходні сярэдні, у дзённыя гадзіны ў асобных раёнах парывісты. Тэмпература паветра ноччу +2... 7°C, днём +11... 17°C.

У аўторак, 20 красавіка, чарговы цыклон з поўдня перамесціцца ва Украіну. Гэтая атмасферная віхура пачне ўцягваць у сваю арбіту і надвор'е Беларусі. Павялічыцца колькасць аблокаў і стане халадней. Месцамі па краіне, а ў дзённыя гадзіны па Гомельскай і Магілёўскай абласцях у многіх раёнах, пройдуць кароткачасовыя дажджы. Вецер паўночны, паўночна-ўсходні сярэдні. Ноччу і раніцай месцамі слабы туман. Тэмпература паветра мінімальная ноччу +3... 8°C, максімальная днём +6... 13°C.

У сераду, 21 красавіка, дажджлівае надвор'е распаўсюдзіцца на ўсю краіну. І стане яшчэ халадней.