«Ці трэба плаціць падатак за легкавы аўтамабіль 1989 года выпуску?»
2- 16.04.2021, 20:10
- 7,736
Падатковая адказала на пытанні беларускіх кіроўцаў.
Пытанні ад кіроўцаў, якія тычацца выплаты транспартнага падатку, паступілі ў рэдакцыю «Вечернего Бобруйска» на мінулым тыдні. На іх адказала кіраўніца аддзела інфармацыйна-растлумачальнай працы ІМПЗ Бабруйска Нэлі Арцёмчык.
– Ці трэба мне плаціць падатак за легкавы аўтамабіль "ВАЗ" 1989 года выпуску? (Ігар)
– Транспартныя сродкі, выпушчаныя да 1991 года (або звесткі пра год выпуску якіх адсутнічаюць), вызваленыя ад выплаты транспартнага падатку. Адпаведна за аўтамабіль 1989 года выпуску падатак вам плаціць не трэба.
– У ДАІ УУС за мной зарэгістраваны аўтамабіль 2015 года выпуску. Але тры гады таму я перадаў яго праз даверанасць знаёмаму без пераафармлення дакументаў на яго ў ДАІ. Ці буду я плаціць транспартны падатак? (Міхаіл)
– Аб'ектам падаткаабкладання з'яўляюцца транспартныя сродкі, зарэгістраваныя за фізічнымі асобамі ў ДАІ. Такім чынам, у вашай сітуацыі плацельшчыкам транспартнага падатку будзеце вы, бо аўтамабіль зарэгістраваны ў ДАІ за вамі.
