Каралеўская сям'я развітваецца з прынцам Філіпам: трансляцыя з Лондана

Развітацца з герцагам Эдынбуржскім сабраліся толькі каралеўскія сямейнікі.

А 17:00 паводле беларускага часу ў Лондане пачнецца цырымонія развітання з герцагам Эдынбуржскім прынцам Філіпам - каралеўская сям'я пахавае 99-гадовага мужа каралевы Элізабэт II у капліцы Святога Георга.

Праз пандэмію каранавіруса развітацца з герцагам асабіста прыйдуць толькі блізкія - жонка, дзеці, унукі і іншыя сваякі. Усе астатнія могуць сачыць за працэсіяй на тэлевізіі і онлайн. Жывую трансляцыю з Віндзарскага замка ў YouTube вядзе выданне The Telegraph, піша «Апостроф».

Таксама онлайн-трансляцыю падзей ля замка Вінздараў вядзе на YouTube канал BBC.

Прынц Філіп памёр 9 красавіка ва ўзросце 99 гадоў. Свой 100-ы дзень нараджэння муж каралевы мог бы адзначыць ужо праз два месяцы. Да дня пахавання труна з целам герцага знаходзілася ў Мемарыяльнай капліцы Альберта, цяпер жа будзе пахаваны ў капліцы Святога Георга.

Развітацца з прынцам Філіпам асабіста, акрамя каралевы Элізабэт II, прыйшлі чацвёра яго дзяцей (прынц Чарльз, прынцэса Ганна, прынц Эндру, прынц Эдвард) і восем унукаў з жонкамі і мужамі. Без жонкі развітацца з дзедам прыляцеў з ЗША прынц Гары - герцагіня сэсекская Меган Маркл чакае другое дзіцяці і ўжо знаходзіцца на даволі вялікім тэрміне цяжарнасці для пералётаў і стрэсавых сітуацый.