Як выглядаюць 4-пакаёвыя кватэры ў Менску да $75 тысяч, у якіх можна жыць
5- 17.04.2021, 16:47
- 5,436
Нядаўна рынак другаснага жылля ў Менску ажывіўся.
Калі мянчук хоча прадаць кватэру, то яму лепш паспяшацца, пакуль кошты не ўпалі яшчэ ніжэй. А гэта значыць, што цяпер добры час і для пакупніка, бо за кватэры можна таргавацца. Tut.by паказаў, як выглядаюць чатырохпакаёвыя кватэры да 75 тысяч даляраў, у якіх можна жыць.
У парку Дружбы народаў
За 68 тысяч даляраў прадаецца кватэра на другім паверсе панэльнага пяціпавярховіка 1966 года на вуліцы Гая, 40.
Плошча - 59 квадратных метраў. Плошча кухні - 6,2 метра.
Падлогі ў кватэры - з хваёвай дошкі, пакрытай лакам. Санвузел абліцаваны пліткай, у ім замененая сантэхніка. У вокнах усталяваныя шклопакеты, балкон зашклёны і абабіты вагонкай. Будучаму ўладальніку застанецца кухонны гарнітур і дзве ўбудаваныя шафы. Дом пасля капрамонту, уцеплены тэрмафутрам. Замененыя ўсе трубы і стаяк, усталяваныя новыя лічыльнікі.
У Зялёным Лузе
За 69 тысяч даляраў прадаецца кватэра на пятым паверсе панэльнага пяціпавярховіка 1967 года на вуліцы Каліноўскага, 69.
Плошча - 57,8 квадратнага метра. Плошча кухні - 6,2 метра.
На падлозе - ламінат, столі - нацяжныя, у вокнах - шклопакеты, уваходныя дзверы - металічныя. Новым гаспадарам застаецца ўбудаваная кухня і тры шафы-купэ.
У 2010 годзе ў доме быў капрамонт. Замененыя газавыя, водаправодныя і каналізацыйныя трубы, усталяваныя лічыльнікі. Вонкавыя фасады і дах уцепленыя.
У Серабранцы
За 72 тысячы даляраў прадаецца кватэра на другім паверсе панэльнага дзевяціпавярховіка 1972 года на праспекце Ракасоўскага, 105.
Плошча - 62,9 квадратнага метра. Плошча кухні - 7,1 метра.
На падлозе - ламінат, у вокнах - шклопакеты. У санвузлах зроблены рамонт з заменай сантэхнікі. Лоджыя падзеленая на дзве часткі, ёсць камора.
У Серабранцы
За 72 тысячы даляраў прадаецца кватэра на шостым паверсе панэльнага дзевяціпавярховіка 1976 года на вуліцы Малініна, 30.
Плошча - 73,5 квадратнага метра. Плошча кухні - 7,1 метра.
У кватэры ўсталяваныя ўваходныя металічныя дзверы і вокны ПВХ. Сцены абклееныя шпалерамі, столі пафарбаваныя. У адным з пакояў зроблены касметычны рамонт.
На Партызанскім
За 75 тысяч даляраў прадаецца кватэра на трэцім паверсе панэльнага дзевяціпавярховіка 1968 году на Партызанскім праспекце, 30, корпус 2.
Плошча - 59,9 квадратнага метра. Плошча кухні - 7 метраў.
У кватэры ўсталяваныя металічныя ўваходныя дзверы і шклопакеты. На падлозе ў пакоях паркет, на кухні - плітка. Міжпакаёвыя дзверы са шпону дубу. У пакоі ўсталяваная шафа-купэ. У 2020 годзе зроблены рамонт у прыбіральні і ваннай. У кватэры падвойная лоджыя. З лоджыі - уваход у камору. У 2019 года ў доме быў праведзены капітальны рамонт з заменай камунікацый, устаноўкай новага ліфта і ўцяпленнем фасада.