29 сакавiка 2024, Пятніца, 18:08
Падтрымайце
сайт
Сім сім,
Хартыя 97!
Рубрыкі

Андрэй Саннікаў: Спецслужбы адкрыта пацяшаюцца з здурнелага дыктатара

28
Андрэй Саннікаў: Спецслужбы адкрыта пацяшаюцца з здурнелага дыктатара

Усё гэта настолькі ўбога, што нават не смешна.

Лідар грамадзянскай кампаніі «Еўрапейская Беларусь», кандыдат у прэзідэнты Беларусі ў 2010 годзе Андрэй Саннікаў пракаментаваў заяву ўзурпатара Лукашэнкі пра «змову» супраць яго з «удзелам» ЦРУ, ФБР, Байдэна і Фядуты:

– «Камітэтам дзяржаўнай бяспекі Рэспублікі Беларусь паспяхова закончаная шматступенная спецыяльная аперацыя, у выніку якой на ўсіх этапах задакументаваная і спыненая дзейнасць арганізаванай групы тэрарыстычнай накіраванасці, У выніку “атрымалася прадухіліць спробы ўзброенага мяцяжу ў Беларусі і ліквідацыі прадстаўнікоў улады”, у тым ліку Аляксандра Лукашэнкі».

Па-мойму, гэта нават не на мяжы вар'яцтва, а за мяжой.

Ужо ўласныя спецслужбы адкрыта пацяшаюцца з здурнелага дыктатара.

Аперацыя з выкраданнем людзей у Маскве, якія плануюць змясціць Лукашэнку з сям'ёй у склеп у Гомельскай вобласці, і ўсё гэта выдаецца самім дыктатарам за чыстую праўду, ды яшчэ і з удзелам Пуціна, які абмяркоўвае гэта з Байдэнам праз тэлефон, – гэта ўжо не трызненне, а цяжкі псіхічны разлад.

Пацыент вельмі небяспечны для навакольных.

Чамусьці ўсе гэтыя выбухі звязаныя з прыездам пасланца Крамля Мішусціна. У мінулы ягоны прыезд з'явіліся віртуальныя заходнія агенты «Нік і Майк», якія намякнулі, што Навальнага атруціла Меркель. І цяпер Мішусцін выклікаў абвастрэнне з скляпамі, ЦРУ, ФБР, Байдэнам, і ўсё гэта падчас «суботніка».

Усё гэта настолькі ўбога і тупа, што нават не смешна.

Людзей адпусціце, сволачы!

Напісаць каментар 28

Таксама сачыце за акаўнтамі Charter97.org у сацыяльных сетках