Вялікая Брытанія накіруе караблі і перакіне знішчальнікі 5-га пакалення ў Чорнае мора
10- 18.04.2021, 17:37
- 6,794
Лондан такім чынам мае намер падтрымаць Украіну ў выпадку агрэсіі РФ.
Вялікая Брытанія мае намер накіраваць эскадраны мінаносец і супрацьлодачны фрэгат у Чорнае мора ў знак салідарнасці з Украінай і хаўруснікамі ў NATO ў рэгіёне, паведамляе выданне Times са спасылкай на крыніцы ў каралеўскіх ВМС.
Караблі са складу авіяноснай групы каралеўскага флоту ў Міжземным моры прыбудуць у Чорнае мора ў траўні. Знішчальнікі F-35 і верталёты Merlin на авіяносцы HMS Queen Elizabeth будуць гатовыя надаць дапамогу хаўруснікам у выпадку агрэсіі з боку расейскіх караблёў, падлодак або авіяцыі. Сам авіяносец застанецца ў Міжземным моры праз забарону на ўваход у Чорнае мора.
Як заявіла Times крыніца ў брытанскіх ВМС, Лондан падтрымлівае суверэнітэт і тэрытарыяльную цэласнасць Украіны і заклікае Расею да дээскалацыі.
Раней аб адпраўцы караблёў у Чорнае заявілі ЗША. Эсмінцы Roosevelt і Donald Cook павінны былі знаходзіцца там з 14-15 красавіка да 4-5 траўня.
У Чорнае мора таксама прыбылі расейскія караблі каспійскай флатыліі.