Татальны байкот

Давайце пазбавім уладальнікаў «прыкарытных» прадпрыемстваў прыбытку.

Большасць беларусаў у барацьбе супраць фашысцкага рэжыму абрала мірную тактыку пратэсту, піша тэлеграм-канал «МЕНСКРАЗАМ!».

Мірныя маршы маральна ціснуць на акупацыйную адміністрацыю, падахвочваюць міжнародныя арганізацыі, кампаніі і замежныя палітычныя інстытуты да прыняцця санкцый супраць рэжыму. Гэта важна!

Пры гэтым усе паспяховыя прыклады мірнага пратэсту (у тым ліку індыйская «Сацьяграха», да якой так часта апелююць беларусы) суправаджаліся татальным байкотам прадукцыі акупантаў!

Аднак многія беларусы, якія яшчэ ўлетку і ўвосень выходзілі на вуліцы, сталі забываць пра гэта. Сумна праходзіць міма ўмоўнай «Санты» і скрозь шкло бачыць там чэргі ля кожнай касы.

Калі ўскосныя падаткі з пакупак і так адпраўляюцца ў бюджэт, то ў чым карысць байкоту?

Уладальнікі «прыкарытных» прадпрыемстваў парушаюць заканадаўства (у прыклад вам Алексін і ягоныя «Табакеркі»). Пазбаўленне іх прыбытку з'яўляецца народнай санкцыяй ва ўмовах, калі «не да законаў».

Набліжаныя да цела бізнэсоўцы ўдзельнічаюць у мностве карупцыйных схем, прыбытак ад якіх асядае ў тым ліку ў клана Лукашэнкі, што дазваляе яму, хай і сінімі пальцамі, але ўтрымлівацца на троне.

Памятаеце, што мірны пратэст можа быць эфектыўным толькі ў спалучэнні з мерамі эканамічнага характару.

Байкот - гэта не вулічная акцыя ці страйк, за яго вас не затрымаюць. Гэта абсалютна бяспечная мера эканамічнага ўздзеяння на рэжым, да якой можа далучыцца кожны!

Не апраўдваеце сябе тым, што тут акцыя, калі будзеце запіваць бутэрброд акцыйным малачком ад "Савушкіна", памятаеце, што, магчыма, менавіта ваш паход у прыкарытную краму ці купля прыкарытнай прадукцыі прафінансавала тую самую кулю, якая будзе выпушчаная па пратэстоўцам. Не папярхніцеся!

Паверце, у нас ёсць мноства смачных прадуктаў ад вытворцаў, якія не належаць набліжаным да ўзурпатара бізнэсоўцам.

Не забывайце, што пытанне аб тым, як доўга яшчэ пратрымаецца гэты рэжым, залежыць ад кожнага з нас і ад кожнага нашага дзеяння!

Выкарыстоўвайце такія дадаткі, як KRAMA і не забывайце спраўджваць у Blacklist.

Смачна есці! Убачымся на вуліцах!