18 траўня 2021, aўторак, 4:11
Сім сім, Хартыя 97!
Рубрыкі

Два мільярдэры разбагацелі на $13 мільярдаў за тыдзень

4
Два мільярдэры разбагацелі на $13 мільярдаў за тыдзень

Акцыі аднаго прадпрымальніка дасягнулі рэкорднага значэння.

Індэкс S&P 500 закрыўся на рэкордна высокім узроўні ў пятніцу, 16 красавіка, чацвёрты тыдзень запар, павялічыўшы багацце большасці самых багатых людзей свету. Больш за ўсіх разбагацелі заснавальнік касмічнай кампаніі SpaceX і генеральны дырэктар Tesla Ілон Маск, а таксама кіраўнік Louis Vuitton Moët Hennessy Бернар Арно, піша Forbes (пераклад rbc.ru).

Багацце кожнага, на падлікі выдання, за тыдзень вырасла прыкладна на $13 млрд. У аўторак Маск за дзень стаў багацейшым на $12,3 млрд і перамясціўся на другое месца ў спісе самых багатых людзей свету, аднак Арно абагнаў яго ў пятніцу, і вярнуў сабе другое месца ў рэйтынгу. Цяпер багацце кіраўніка LVMH ацэньваецца на $181,7 млрд, Маска - на $179,7 млрд. Першае месца па-ранейшаму займае заснавальнік Amazon Джэф Безас з багаццем $197,8 млрд.

Акцыі LVMH за тыдзень выраслі на 7,8% і дасягнулі рэкорднага значэння. Інвестары чакаюць ад кампаніі высокіх продажаў і ўхвальна ацэньваюць новыя набыцці і партнёрства, піша Forbes. Напрыклад, гаворка ідзе аб куплі ювелірнага брэнда Tiffany&Co. за $15,8 млрд.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».