18 траўня 2021, aўторак, 5:24
Сім сім, Хартыя 97!
Рубрыкі

Лёгкай хадой: чатыры парады, як схуднець з дапамогай хады

5
Лёгкай хадой: чатыры парады, як схуднець з дапамогай хады

Хада - просты і даступны кожнаму тып фізічнай актыўнасці, але пры гэтым вельмі эфектыўны.

Ці можна скінуць вагу пры хадзе? Навуковыя даследаванні кажуць, што можна, але важна прытрымлівацца пэўных правілаў, піша «Новое время».

Хада - просты і даступны кожнаму тып фізічнай актыўнасці, але пры гэтым вельмі эфектыўны. Яе адносяць да аэробных нагрузак нізкай інтэнсіўнасці. Такі тып заняткаў карысны для аздараўлення ўсяго арганізма, а пры захаванні некаторых умоў можа стаць добрым спосабам зніжэння вагі. Фактычна шпацыру цягам адной гадзіны кожны дзень можа быць дастаткова, каб дапамагчы вам дасягнуць устойлівага схуднення, упэўненыя навукоўцы. Вось спіс з чатырох парад у хадзе, якія дапамогуць вам знізіць вагу без асаблівых высілкаў.

1. Хадзіце пасля ежы

Паводле звестак даследавання, апублікаванага ў Diabetologia, хада цягам 10 хвілін пасля кожнага прыёму ежы дапамагае знізіць узровень цукру ў крыві ў людзей з дыябетам 2-га тыпу больш, чым хада цягам 30 хвілін запар ва ўсякі іншы час. Пры гэтым зніжэнне ўзроўню глюкозы ў крыві паскарае страту вагі незалежна ад таго, пакутуеце вы на дыябет ці не. Хада пасля ежы таксама дапамагае павялічыць спальванне калорый і, напрыклад, прымусіць ваш арганізм выкарыстоўваць тлушч у якасці крыніцы энэргіі.

2. Хадзіце ўдзень

Знаходжанне на сонцы цягам дня прыносіць пэўную карысць для здароўя, напрыклад, спрыяе засваенню вітаміну D, што вельмі добра для імунітэту і здароўя костак. Яшчэ адным стымулам здзяйсняць прагулкі ў паўдзённы час можа стаць тое, што, паводле звестак даследавання 2020 года, фізічная актыўнасць у другой палове больш эфектыўная ў плане спальвання калорый, чым ранішнія трэніроўкі. Таму, калі хочаце выкарыстоўваць хаду для схуднення, рабіце шпацыры ўдзень.

3. Хадзіце ў гару

Безумоўна, каб схуднець з дапамогай хады, хадзіць трэба інтэнсіўна. А для гэтага ўключыце ў свой звыклы маршрут узвышшы або звычайную лесвіцу. Гэта дасць магчымасць павысіць нагрузку, а таксама дапаможа ўмацаваць мышцы ног і ягадзіц. Калі падчас прагулкі вы ў асноўным будзеце падымацца ў гару, то хутчэй даможацеся выніку.

4. Хадзіце разам з сябрам

Трэніроўкі з сябрам не толькі дапамагаюць падоўжыць час заняткаў, але таксама прымушаюць вас працаваць больш старанна. Даследаванне, праведзенае ў Універсітэце штата Мічыган, паказала, што выкананне аэробных практыкаванняў (такіх як хада або бег) з партнёрам матывавала ўдзельнікаў працаваць больш старанна і даўжэй у параўнанні з тымі, хто працаваў самотна.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».