Сіноптыкі: Працоўны тыдзень будзе цёплым

У аўторак будзе да +15°С.

Сёння ў многіх рэгіёнах Беларусі будзе сонечнае і сухое надвор'е, толькі на паўднёвым усходзе месцамі магчымы кароткачасовыя дажджы. Паветра ў разгар дня прагрэецца да +12...18°С, паведамляе tut.by са спасылкай на Белгідрамет.

20 красавіка атмасферны ціск пачне падаць і надвор'е стане вызначаць няўстойлівая паветраная маса. Павялічыцца і ўшчыльніцца воблачнасць. Уначы месцамі, пераважна на ўсходзе, удзень у многіх раёнах рэспублікі невялікія кароткачасовыя дажджы. У дзённыя гадзіны ў асобных раёнах магчымыя навальніцы. Уначы і раніцай месцамі слабы туман. Вецер паўночна-ўсходні, уначы слабы, удзень сярэдні. Тэмпература паветра мінімальная ўначы +1...6°С, максімальная ўдзень +7...13°С, на захадзе да +15°С.

У сераду атмасферны ціск прадоўжыць падаць. Уначы месцамі, удзень на большай частцы тэрыторыі пройдуць кароткачасовыя дажджы. Уначы і раніцай у асобных раёнах будуць згушчацца непрацяглыя туманы. Удзень месцамі магчымыя навальніцы. Вецер паўночна-заходні, заходні сярэдні, у дзённыя гадзіны пры навальніцах парывісты. Тэмпература паветра мінімальная ўначы 0...+6°С, максімальная ўдзень +10...16°С, на паўночным усходзе, дзе прагназуюцца шчыльныя аблокі, усяго 8...9°С.

22 красавіка характар надвор'я істотна не зменіцца, толькі ўдзень узмоцніцца паўднёва-заходні вецер. Уначы месцамі, удзень на большай частцы тэрыторыі пройдуць кароткачасовыя дажджы. Уначы і раніцай у асобных раёнах туман. Удзень месцамі прагрымяць навальніцы. Тэмпература паветра мінімальная ўначы +1...7°С, максімальная ўдзень +10...17°С. Такі тэмпературны фон на 1-4°С вышэй за кліматычную норму для гэтых красавіцкіх дзён.

У пятніцу прыйдзе халодны атмасферны фронт. Павялічыцца і ўшчыльніцца воблачнасць. На большай частцы тэрыторыі краіны чакаюцца кароткачасовыя дажджы, на паўночным захадзе з мокрым снегам. Вецер заходні сярэдні. Тэмпература паветра мінімальная ўначы +1...7°С, максімальная ўдзень +6...13°С.

На гэтыя выхадныя прагназуюць халаднаватае няўстойлівае надвор'е. Уначы месцамі, удзень на большай частцы тэрыторыі краіны пройдуць кароткачасовыя ападкі ў выглядзе мокрага снегу і дажджу. Адчуванне холаду будзе ўзмацняць парывісты паўночна-заходні вецер.