У Берасці ліквідуюць «Польскую школу»

Рэжым працягвае ўшчамляць правы нацыянальных меншасцяў.

19 красавіка эканамічны суд Берасцейскай вобласці прыняў рашэнне аб ліквідацыі ТАА «Польская школа», паведамляе tut.by.

Пазоў аб ліквідацыі юрыдычнай асобы падала адміністрацыя Ленінскага раёну Берасця «ў мэтах абароны дзяржаўных і грамадскіх інтарэсаў».

Суд падтрымаў пазоўніка.

Абавязкі ў ліквідацыі ўсклалі на ўдзельнікаў ТАА «Польская школа». Тэрмін - да 19 ліпеня сёлета.

Рашэнне не ўвайшло ў законнае дзеянне і можа быць абскарджанае.