Актрыса Юлія Высоцкая падтрымала свабодных купалаўцаў

Яна заявіла, што не сумнявалася ні секунды, што акторы пакінуць тэатр на знак пратэсту.

Расейская актрыса Юлія Высоцкая дала інтэрв'ю праекту «Скажы Гардзеевай». Яна выказалася пра сітуацыю ў Купалаўскім тэатры, дзе ў свой час працавала.

- Я нават не разумею, як маглі застацца тыя, хто там застаўся. Вось гэтага не разумею. Тое, што яны пайшлі, я ў гэтым не сумнявалася ні секунды. Калі я бачыла нядаўна адну дзяўчыну - яна вучылася на два гады раней за мяне - і яна плакала, прызнаючы памылку сваіх калегаў, якія сышлі, вось гэта для мяне дзіўна. Гэта праўда дзіўна. Мне здаецца, тады лепш маўчаць. Гэта неяк больш высакародна.

- Бывае страшна казаць услых сваю пазіцыю. Асабліва артысту.

- Безумоўна. Тады лепш маўчаць.

Як адзначае tut.by, гаворка, мяркуючы з усяго, ідзе пра эпізод 19 лютага 2021 года - тады Аляксандр Лукашэнка наведаў Купалаўскі тэатр і паглядзеў фрагмент рэпетыцыі спектакля «Паўлінка», а таксама сустрэўся з акторамі. Ягоныя дзеянні падтрымала актрыса Вольга Няфёдава.