Еўрапейскія знішчальнікі атрымаюць наймагутнейшую ракету «паветра-паветра»

Першымі новую зброю пачнуць выкарыстоўваць швэдскія ВПС і Нямеччыны.

Адбылася знакавая падзея для ВПС Нямеччыны, якая можа істотна падвысіць абараназдольнасць ўсяго ЕЗ. Самалёты Eurofighter Typhoon Ваенна-паветраных сіл ФРГ атрымалі магчымасць выкарыстоўваць ракеты класа «паветра - паветра» вялікай далёкасці тыпу Meteor. Пра гэта піша Naked Science.

Выкарыстанне новай зброі стала магчымае пасля ўстаноўкі праграмнага забеспячэння Phase 2 Enhancements B (P2Eb). «Новая вяха для нашага парку знішчальнікаў Eurofighter», - заявілі ў ВПС Нямеччыны.

Аб патэнцыяле вырабу меркаваць рана, аднак шэраг спецыялістаў уважаюць Meteor за самую небяспечную ракету класа «паветра - паветра» сучаснасці. MBDA Meteor мае не толькі актыўную радыёлакацыйную галоўку саманавядзення, але і маршавы паветрана-рэактыўны рухавік, што дае ёй магчымасць падтрымліваць найвышэйшую хуткасць палёту на ўсёй траекторыі. Мінус абранай канцэпцыі - падвышаная ВК прыкметнасць ракетнай атакі.

У кожным выпадку, валодаючы хуткасцю больш як М=4 і далёкасцю палёту 100 кіламетраў, ракета нясе вялікую небяспеку для паветраных цэляў любога тыпу, уключаючы самыя сучасныя знішчальнікі.

Немцы не першыя, хто узброіўся MBDA Meteor. Са звестак з адкрытых крыніц, першымі сталі швэдскія ВПС: ракета дасягнула аперацыйнай гатоўнасці ў ліпені 2016 года. Такім чынам, першым у свеце знішчальнікам, здольным выкарыстоўваць новае выраб, апынуўся «бюджэтны» швэдскі Saab JAS-39 Gripen, які апярэдзіў у гэтым больш дарагія Eurofighter Typhoon і французскія Dassault Rafale.

У апошнія гады еўрапейцы значна нарасцілі ўвагу да пытанняў абароны і бяспекі. Не менш значнай падзеяй, чым магчымасць выкарыстання Meteor, для немцаў стала леташняе падпісанне кантракту на ўстаноўку на знішчальнікі Eurofighter Typhoon найноўшай радыёлакацыйнай станцыі Captor-E, якую ў Еўропе называюць «самым перадавым радарам для знішчальнікаў». Акрамя Нямеччыны, новую РЛС атрымаюць гішпанцы, якія таксама эксплуатуюць знішчальнікі Typhoon.