Ізраільскія навукоўцы: Вакцына Pfizer часткова эфектыўная супраць індыйскага штаму з двайной мутацыяй
2- 20.04.2021, 11:11
- 1,946
Індыйскі варыянт COVID-19 выявілі на тэрыторыі ЗША, Вялікабрытаніі ды Ірландыі.
Вакцына Pfizer/BioNTech забяспечвае частковую абарону ад новага штаму каранавіруса з двайной мутацыяй, які быў упершыню выяўлены ў Індыі.
Да такой высновы прыйшлі ў Міністэрстве аховы здароўя Ізраіля, піша Reuters.
У Ізраілі зафіксавалі восем выпадкаў заражэння індыйскім варыянтам каранавіруса, з іх сем чалавек прыбылі з-за мяжы на мінулым тыдні.
«Відавочна, што вакцына Pfizer эфектыўная супраць яго [індыйскага варыянту з двайной мутацыяй], хай нават і з меншай эфектыўнасцю», - сказаў генеральны дырэктар Міністэрства аховы здароўя Ізраіля Хезі Леві.
У Ізраілі, дзе пражываюць 9,3 млн чалавек, цалкам вакцынаваныя амаль 81% дарослага насельніцтва. Колькасць выпадкаў інфікавання COVID-19 і шпіталізацыі значна скарацілася.
Індыйскі варыянт COVID-19, які выклікае занепакоенасць у навукоўцаў, выявілі на тэрыторыі ЗША, Вялікабрытаніі ды Ірландыі.
Брытанія ўключыла Індыю ў спіс краін, па вяртанні з якіх грамадзянам трэба прайсці абавязковы карантын.