Расейскі Іл-96 парушыў паветраную прастору Калумбіі
6- 20.04.2021, 11:47
- 5,298
МЗС краіны ўручыла паслу РФ ноту пратэсту.
Вайсковыя паветраныя сілы Калумбіі перахапілі расейскі самалёт Іл-96, які парушыў паветраную прастору краіны.
Інцыдэнт адбыўся ў панядзелак, 19 красавіка.
Як распавялі калумбійскія вайскоўцы, расейскі самалёт, які ляцеў з Масквы, меў дазвол на пралёт, аднак увайшоў у паветраную прастору краіны зусім не ў заяўленым раёне.
У сувязі з гэтым Міністэрства замежных спраў Калумбіі выклікала да сябе пасла РФ для ўручэння яму ноты пратэсту.
«МЗС ад імя нацыянальнага ўрада ўручыла афіцыйнае паведамленне амбасадару Расеі ў Багаце, у якім выказала пратэст у сувязі з парушэннем расейскім самалётам 19 красавіка паветранай прасторы Калумбіі», - заявіла кіраўніца ведамства.
"La Cancillería, en nombre del Gobierno nacional, entregó una comunicación oficial al embajador de Rusia en Bogotá manifestándole su enérgica protesta por la situación generada por una aeronave rusa que este 19 de abril violó el espacio aéreo de Colombia", Canciller Claudia Blum pic.twitter.com/zTghZepRY7
— Cancillería Colombia (@CancilleriaCol) April 20, 2021