Мінчукі знаходзяць у пошце «паведамленні» пра памылкі ў рахунках за сакавік

Менгарвыканкам заявіў, што гэта фэйк.

Жыхарам Маскоўскага раёна сталіцы ў паштовыя скрыні сталі прыходзіць «паведамленні» з просьбай не аплачваць жыллёва-камунальныя паслугі за сакавік праз памылкі ў налічэнні. Тэлеграм-канал «Минск.Официально» просіць не верыць такім ўлёткам.

Разам з паведамленнем тэлеграм-канал Менгарвыканкама апублікаваў і само «апавяшчэнне», якое нехта раскідвае па паштовых скрынях. Вось што там напісана: «У паведамленнях аб выплаце камунальных паслуг за сакавік 2021 года была пададзеная хлуслівая інфармацыя, што выклікае сумнеў у сапраўднасці дакумента і паказаных у ім сум і рэквізітаў. Просьба не аплачваць атрыманы рахунак да высвятлення дакладных звестак у ЖЭС».

Улёткі фэйкавыя, паведамляе Менгарвыканкам.

- Ні РДЦ, ні ЖЭУ такіх улётак не рассылалі, і ніякіх памылак у налічэнні няма. У той жа час, паверыўшы недакладнай інфармацыі, некаторыя жыхары ўжо звяртаюцца ў РДЦ па пераразлік, - паведаміў першы намеснік кіраўніка адміністрацыі Маскоўскага раёна Менска Аляксандр Ермаловіч.

Усе налічэнні правільныя.