Улады Беларусі змогуць уводзіць абмежаванні і забароны што да валютнага рынку

Сярод прычын - падзенне рубля.

У Беларусі з 9 ліпеня ўвядуць новаўвядзенні што да валютнага рэгулявання і кантролю. Так, улады змогуць уводзіць валютныя абмежаванні пры пагрозе эканамічнай бяспецы краіны, у тым ліку ўстанаўліваць забарону на правядзенне валютных і валютна-абменных аперацый. Сярод прычын для ўвядзення падобных абмежаванняў - падзенне курса беларускага рубля або зніжэнне золатавалютных рэзерваў ніжэй дапушчальнага ўзроўню, паведамляе tut.by.

Пра што наогул гаворка?

Паспрабуем коратка патлумачыць, дзеянне якіх дакументаў скасавалі, а якія, наадварот, увялі. Сёння прэс-служба Аляксандра Лукашэнкі паведаміла, што 20 красавіка падпісаны ўказ №154. Гэтым дакументам скасоўваюць дзеянне двух іншых указаў:

№240 «Аб некаторых пытаннях у сферы валютнага рэгулявання» ад 12 траўня 2009 года;

№301 «Аб скасаванні абавязковага продажу замежнай валюты» ад 31 ліпеня 2018 года.

Зрабілі гэта для таго, каб прывесці заканадаўства ў адпаведнасць з законам №36-З ад 30 чэрвеня 2020 года «Аб змяненні законаў у пытаннях валютнага рэгулявання і валютнага кантролю». Апошні дакумент пачне працаваць з 9 ліпеня, менавіта ім і ўводзяць істотныя змены што да валютнага рэгулявання і кантролю (калі дакладней, то ім уводзяць змены ў закон №226-З «Аб валютным рэгуляванні і валютным кантролі»).

Пра некаторыя новаўвядзенні, якія ўвядуць з 9 ліпеня, мы ўжо пісалі:

- дазволіць адкрываць рахункі ў замежных банках, купляць акцыі і нерухомасць за мяжой без ўзгаднення з Нацбанкам (але як пазней высветлілася, Нацбанк пакінуў за сабой права ўводзіць абмежаванні ў адкрыцці і вядзенні рэзідэнтамі рахункаў у замежных банках - пра гэта ніжэй у тэксце);

- увядуць абавязковую рэгістрацыю некаторых валютных дамоў (гэта закране у тым ліку ўгоду па куплі нерухомасці, каштоўных паперах, экспартных і імпартных кантрактаў, калі яны будуць заключаны з нерэзідэнтамі і перавысяць усталяваную столь).

У гэтым жа дакуменце прапісаны выпадкі, у якіх урад і Нацбанк могуць уводзіць валютныя абмежаванні.

Удакладнім, што над гэтымі зменамі працавалі як мінімум з 2019 года, калі адпаведны законапраект унеслі на разгляд дэпутатаў (а да гэтага была яго падрыхтоўка).

Калі ўлады змогуць уводзіць рэгуляванне па валюце?

У дакуменце прапісана, што ў выпадку пагрозы эканамічнай бяспецы краіны, у тым ліку стабільнасці фінансавай сістэмы, калі сітуацыя не можа быць вырашана іншымі мерамі эканамічнай палітыкі, могуць увесці валютныя абмежаванні. Гэта могуць зрабіць на тэрмін да аднаго года.

Да пагроз эканамічнай бяспекі краіны, пры якой могуць увесці абмежаванні ў валютным рынку, адносяць:

негатыўнае развіццё сітуацыі ў плацежным балансе, следствам якога можа стаць зніжэнне золатавалютных рэзерваў Беларусі ніжэй дапушчальнага ўзроўню;

рэзкія ваганні курсу беларускага рубля;

абставіны, пры якіх ажыццяўленне захадаў паслаблення або скасаванне валютных абмежаванняў можа пацягнуць пагаршэнне эканамічнай і фінансавай сітуацыі ў Беларусі альбо нанесці шкоду інтарэсам бяспекі краіны і перашкаджаць падтрыманню грамадскага парадку.

Якія абмежаванні па валюце могуць увесці?

Нацбанк сумесна з Саўмінам змогуць пры неабходнасці ўвесці такія валютныя абмежаванні:

забарону на правядзенне валютных і валютна-абменных аперацый;

увесці ліміты на аб'ёмы, колькасць і тэрміны правядзення валютных і валютна-абменных аперацый, валютныя плацяжы, рэзерваванне часткі, усёй сумы або сумы, кратнай усёй суме валютнай аперацыі, якая праводзіцца;

увесці патрабаванне на атрыманне спецдазволу у Нацбанка на валютныя аперацыі;

увесці абавязковы продаж атрыманай юрасобамі-рэзідэнтамі замежнай валюты;

увесці абмежаванні ў адкрыцці і вядзенні рэзідэнтамі рахункаў у замежных банках.